अंबरनाथमध्ये काँग्रेस-शिवसेना वाद पेटला | शिवसेना आमदाराला थेट इशाराच दिला

अंबरनाथ, १८ डिसेंबर: एकीकडे राज्यात महाविकास आघाडीत मित्र पक्ष असलेले शिवसेना, काँग्रेसचे स्थानिक पातळीवर अजून देखील मनोमिलन झालेले नाही, हे स्पष्ट होते आहे. त्यामुळे महापालिका निवडणुकीत वाद पेटण्याची शक्यता वर्तविण्यात येत आहे.

अंबरनाथमध्ये स्थानिक पातळीवर काँग्रेस आणि शिवसेनेत तीव्र मतभेद झाल्याचं (Ambernath City clashes betwen congress and Shivsena party leaders) समोर आलं आहे. शिवसेना आमदाराला मतदारसंघात फिरू देणार नाही, असा थेट इशाराच काँग्रेसने दिला आहे. पाणी प्रश्नावरून अंबरनाथच्या स्थानिक पातळीवर शिवसेना आणि काँग्रेस पक्षातील वाद उफाळून आला आहे.

अंबरनाथ शहरात अनियमित पाणी पुरवठा होत असल्याने काँग्रेसने आज पाण्याच्या टाकीवर चढून शोले स्टाईलने आंदोलन (Ambernath congress party leaders protest for water supply in city) केले. शहरातील अनेक भागात गेल्या अनेक महिन्यांपासून पाण्याची समस्या तीव्र होत असल्याने नागरिकांना यांचा मोठा त्रास सहन करावा लागत आहे. महाराष्ट्र जीवन प्राधिकरण पाणी पुरवठा करताना दुजाभाव करत आहे, असा आरोप करत पाणी टाकीवर चढून काँग्रेसने पाणी पुरवठा विभागाच्या निषेधार्थ घोषणाबाजी केली.

अंबरनाथ शहरातील इतर समस्या नगरसेवक सोडवतात, आमदारांनी निदान पाणी प्रश्न तरी सोडवावा, परंतु निवडून आल्यानंतर आमदारांना अहंकार आल्याने त्यांना कोणाची गरज नाही, शिवसेनेच्या खासदार आणि पालकमंत्र्यांनी आमदारांना समज द्यावी अन्यथा मतदारसंघात फिरू देणार नाही, असा इशारा अंबरनाथ काँग्रेसने दिला आहे.

दरम्यान, ‘हे आंदोलन शिवसेनेला बदनाम करण्यासाठी आणि फसवं आहे. महाराष्ट्र जीवन प्राधिकरणाकडे देयकाची थकबाकी होती, ती आज 4 कोटी 38 लाख रुपये एमआयडीसीला भरले आहे. शिवाय वाढीव 4 एमएलडी पाणीदेखील शहराला मिळणार असल्याने पाणी समस्या दूर होणार आहे. केवळ पालिका निवडणूक जवळ आल्याने शिवसेनेला बदनाम करण्यासाठी हे केलं जातं आहे,’ असं अंबरनाथ मतदारसंघाचे आमदार डॉ. बालाजी किणीकर यांनी स्पष्ट केलं आहे. This is being done only to discredit the Shiv Sena as the municipal elections are approaching, ‘said MLA of Ambernath constituency Dr. Balaji Kinikar has clarified.

News English Summary: In Ambernath, at the local level, there are sharp differences between Congress and Shiv Sena (Ambernath City clashes between Congress and Shivsena party leaders). The Congress has given a direct warning that Shiv Sena will not allow the MLA to roam in the constituency. The water issue has sparked a dispute between Shiv Sena and Congress at the local level in Ambernath. This is being done only to discredit the Shiv Sena as the municipal elections are approaching, ‘said MLA of Ambernath constituency Dr. Balaji Kinikar has clarified.

News English Title: Ambernath City clashes between congress and Shivsena party leaders over Shivsena MLA Balaji Kinikar news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.