काँग्रेसकडून लोटसचं ऑपरेशन | नगरमध्ये मोठे भाजप पदाधिकारी काँग्रेसमध्ये

मुंबई, २२ डिसेंबर: लोकसभा आणि विधानसभा निवडणुकीदरम्यान, तत्कालीन सत्ताधारी भाजप-शिवसेनेत प्रवेश करणाऱ्यांचा लोंढा होता. मात्र हा लोंढा आता उलट दिशेने वाहण्यास सुरुवात झाली आहे. चक्क भारतीय जनता पक्षामधील कार्यकर्त्यांनी काँग्रेसमध्ये प्रवेश केला आहे. काँग्रेस प्रदेशाध्यक्ष बाळासाहेब थोरात (Revenue Minister Balasaheb Thorat) यांच्या उपस्थितीत नगरमधील अकोले इथं हा ‘चमत्कार’ घडला आहे. संगमनेर आणि अकोले इथल्या भारतीय जनता पक्षाच्या पदाधिकाऱ्यांनी बाळासाहेब थोरात‌ यांच्या उपस्थितीत काँग्रेसमध्ये प्रवेश केला. (Bharatiya Janata Party office bearers from Sangamner and Akole joined the Congress in the presence of minister Balasaheb Thorat)

अकोले तालुक्यातील ज्येष्ठ नेते, मधुकरराव नवले, माजी जि. प. सदस्य, अगस्ती कारखान्याचे संचालक मिनानाथ पांडे, बुवासाहेब नवले, रमेश जगताप, मदन पथवे, रमेश पवार, भास्करराव दराडे, एकनाथ सहाणे यांचे मी काँग्रेस परिवारात स्वागत करतो. pic.twitter.com/iiarrh5Ynm

— Balasaheb Thorat (@bb_thorat) December 22, 2020

“मागीलकाही काळात‌ लोकं गेली. पण त्यांची ‌वाट‌ चुकली, ते ‌परत‌ येत‌ आहेत. सुबह का भुला शाम को घर आये तो उसे भुला नही कहते” असं म्हणत बाळासाहेब थोरात यांनी या कार्यकर्त्यांचं स्वागत केलं. भारतीय जनता पक्षामधून मोठ्या प्रमाणात घरवापसी होणार असून भारतीय जनता पक्षाचे अनेक ज्येष्ठ नेते लवकरच काँग्रेसमध्ये प्रवेश करणार आहेत. पक्षाला लागलेली गळती पाहून डॅमेज कंट्रोल करण्यासाठी, भारतीय जनता पक्षातून कोणीही जाणार नाही असा खोटा दावा देवेंद्र फडणवीस यांना करावा लागत आहे, असेही थोरात म्हणाले. (Minister Balasaheb Thorat also said that Devendra Fadnavis has to make a false claim that no one will leave the Bharatiya Janata Party)

अहमदनगर जिल्ह्यातील अकोले तालुक्यातील ज्येष्ठ नेते, माजी जिल्हा परिषद सदस्य, अभिनव शिक्षण संस्थेचे संस्थापक अध्यक्ष मधुकरराव नवले, माजी जिल्हा परिषद सदस्य, अगस्ती साखर कारखान्याचे संचालक मिनानाथ पांडे, बुवासाहेब नवले पतसंस्थेचे उपाध्यक्ष, माजी पंचायत समिती सदस्य रमेश जगताप, राष्ट्रवादी युवक काँग्रेसचे सरचिटणीस मदन पथवे, सावरगावपाठचे सरपंच रमेश पवार, समशेरफट गावचे सरपंच भास्करराव दराडे, देवगण गावचे एकनाथ सहाणे यांनी काँग्रेस प्रदेशाध्यक्ष व महसूल मंत्री बाळासाहेब थोरात यांच्या उपस्थितीत गांधी भवन येथे काँग्रेस पक्षात प्रवेश केला.

News English Summary: During the Lok Sabha and Assembly elections, there was a flurry of people joining the then ruling BJP-Shiv Sena. But now the river is flowing in the opposite direction. BJP workers have joined the Congress. This ‘miracle’ has taken place in Akole in the presence of Congress State President Balasaheb Thorat. BJP office bearers from Sangamner and Akole joined the Congress in the presence of Balasaheb Thorat.

News English Title: Many BJP party workers join congress party in the presence of minister Balasaheb Thorat news updates.