कोंबड्यांचा ट्रक उलटला | आजूबाजूच्या कोंबडीचोरांकडून ३०० कोंबड्यांची लूट

भोपाळ, २९ डिसेंबर: आपल्या देशात एखादी फुकट मिळविणार असेल तर तुटून पडण्याची संधी लोकं अजिबात सोडत नाहीत हे अनेकदा पाहायला मिळालं आहे. त्यात विषय पोटपूजेशी संबंधित असेल तर विचारायला नको. तसाच प्रकार मध्य प्रदेशातील बडवाणी भागात घडला आहे. झालं असं की कोंबड्यांची माल वाहतूक करणाऱ्या ट्रकला अपघात झाला आणि ट्रक उलटल्यानंतर आजूबाजूच्या नागरिकांनी प्रचंड गर्दी केली होती.

ट्रकमध्ये असलेल्या हजार कोंबड्यांपैकी अर्ध्या मृत्युमुखी पडल्या, तर 300 ते 400 कोंबड्यांची जमलेल्या कोंबडीचोरांकडून लूट करण्यात आली. मध्य प्रदेशातील बडवानी भागात कोंबड्यांची वाहतूक करणारा पिक अप ट्रक चालकाचं नियंत्रण सुटल्याने उलटला. त्यामुळे झालेल्या अपघातानंतर ट्रकमध्ये भरलेल्या काही कोंबड्यांचा दुर्दैवी मृत्यू झाला. तर दरवाजे तुटल्याने मोठ्या प्रमाणावर कोंबड्यांनी बाहेरच्या परिसरात आसरा घेतला.

मात्र काही वेळातच कोंबड्यांच्या ट्रकला झालेल्या अपघाताचं वृत्त वाऱ्यासारखं पसरलं. त्यानंतर काही वेळातच परिसरातील नागरिक कोंबड्यांना पळवण्यासाठी घटनास्थळी जमा झाले. एकट्या वाहनचालकाचं गर्दीपुढे काही चालेना. कोंबड्या लुटण्यासाठी काही जण बाईकवर स्वार होऊन आले होते. हाताला लागतील तितक्या कोंबड्या धरुन नागरिक पसार झाले.

News English Summary: It has been seen many times that if you want to get something for free in your country, people do not miss the opportunity to break up. Don’t ask if the subject is related to potpourri. The same thing has happened in Badwani area of Madhya Pradesh. It so happened that a truck transporting chickens had an accident and after the truck overturned, there was a huge crowd of citizens around.

News English Title: In Madhya Pradesh pickup truck full of chickens overturned on road people gathered for loot news updates.