निसर्ग संपन्न कोकण | अमीर खान नववर्षाच्या सेलिब्रेशनसाठी सहकुटुंब सिंधुदुर्गात

सिंधुदुर्ग, ३० डिसेंबर: कोकणाला निसर्गाची मोठी देणगी लाभली आहे. सुंदर समुद्र किनारे, नद्या आणि नारळ-फोपळीच्या रांगा हे कोकणाचं वैशिष्ठ म्हणावं लागेल. चित्रपट दिग्दर्शकांचे लक्ष देखील सध्या कोकणाकडे आहे आणि त्याची भुरळ आता बॉलीवूडच्या मोठ्या कलाकारांनाही पडली आहे.

दरवर्षी मोठ्या प्रमाणावर परदेशी पर्यटक देखील कोकणाला आवर्जून भेट देतात . त्यामुळे सध्या परदेशात जाऊन मज्जा करणाऱ्या बॉलिवूड सेलिब्रिटींनाही कोकणातील समुद्रकिनारे खुणावू लागले आहेत. कारण अभिनेता आमीर खान यंदा नववर्षाच्या सेलिब्रेशनसाठी कोकणात मुक्काम करणार आहे. आमीर खान मंगळवारी आपल्या कुटुंबासोबत हेलिकॉप्टरने सिंधुदुर्गात आला.

संबंधित दौऱ्याबाबत स्थानिक पातळीवर गोपनीयता पाळण्यात आली असून आमीर खान भोगवे किनारपट्टीवरील एका पंचतारांकित रिसॉर्टमध्ये चार दिवस मुक्काम करणार असल्याचे कळते. पोलीस परेड मैदानावर निवासी उपजिल्हाधिकारी शुभांगी साठे यांनी त्यांचे स्वागत केले.

News English Summary: A large number of foreign tourists also visit Konkan every year. So, even the Bollywood celebrities who are currently going abroad for fun are starting to mark the beaches in Konkan. Because actor Aamir Khan is going to stay in Konkan for New Year celebrations this year. Aamir Khan arrived in Sindhudurg by helicopter with his family on Tuesday.

News English Title: Bollywood superstar Amir Khan will celebrate new year in Sindhudurg at Bhogwe beach News updates.