ED Vs Shivsena | शिवसेना ED विरोधात थेट मोर्चा काढण्याचा तयारीत

मुंबई, २ जानेवारी: सध्या राज्यातील सत्ताधाऱ्यांवर कारवाईचा ईडीने धडाका लावला आहे. त्यात शिवसेनेचे नेतेमंडळी विशेष लक्ष असल्याने आता ईडी विरुद्ध शिवसेना वाद पेटण्याची शक्यता आहे. त्यासाठी थेट रस्त्यावर उतरण्याची तयारी शिवसेनेकडून झाल्याची माहिती आहे. मिळालेल्या माहितीनुसार ५ जानेवारीला महाराष्ट्रातून शिवसैनिक मुंबईत दाखल होणार असल्याचं कळतं आहे. त्यासाठी मुंबईसह ठाणे, नवी मुंबई, मिरा भाईंदरमधून बसेस, खाजगी कारनं शिवसैनिक मोठ्या प्रमाणावर दाखल होणार असल्याची खात्रीलायक माहिती आहे.

शिवसेना आमदार प्रताप सरनाईकांपाठोपाठ संजय राऊतांना ईडीची नोटीस आल्यानं शिवसेना आता आक्रमक झाली आहे. प्रताप सरनाईकांसह दोन्ही मुलांना तर संजय राऊतांच्या पत्नी वर्षा राऊत यांना ईडीने समन्स पाठवला होता. ईडीच्या रडारवर शिवसेना नेत्यांचा परिवार असल्याचं प्रथम दर्शनी जाणवत आहे आणि त्यामुळे शिवसेनेत संताप वाढत आहे.

महाविकास आघाडी सरकार पाडण्यासाठी षडयंत्र असल्याचा शिवसेनेनं याआधी आरोप केला होता. पण आता शिवसेना थेट ईडीविरुद्ध रस्त्यावर उतरण्याची शक्यता आहे. याआधी शिवसैनिकांनी ईडी कार्यालयाबाहेर भारतीय जनता पक्षाचं कार्यालय असल्याचा बॅनर लावून भाजपवर टीका केली होती.

News English Summary: Shiv Sena is likely to take to the streets against ED. It is learned that Shiv Sainik will arrive in Mumbai from Maharashtra on January 5. Sources say that Shiv Sainiks will arrive by buses and cars from Mumbai, Thane, Navi Mumbai and Mira Bhayander. Following Pratap Saranaika, Sanjay Raut got ED notice and now Shiv Sena has become aggressive.

News English Title: Shivsena is palling to protest against ED in Mumbai news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.