पुढच्या 48 तासात गांगुलीवर आणखी एक एन्जियोप्लास्टी | प्रकृती स्थिर

कोलकत्ता, ०३ जानेवारी: भारताचा माजी कर्णधार आणि बीसीसीआय अध्यक्ष सौरव गांगुली याच्या तब्येतीबाबत वूडलॅन्ड्स रुग्णालयाच्या डॉक्टरांनी महत्त्वाची माहिती दिली आहे. पुढच्या 48 तासात गांगुलीवर आणखी एक एन्जियोप्लास्टी करण्यात येईल. याबाबतचा निर्णय डॉक्टर देतील. पुढच्या आठवड्यामध्ये गांगुलीला डिस्चार्ज मिळू शकतो, तसंच त्याची बायपास सर्जरी करण्याची बहुतेक गरज पडणार नाही, असं डॉक्टरांनी सांगितलं आहे. तसंच डिस्चार्ज मिळाल्यानंतर गांगुलीला एक महिना विश्रांती घ्यावी लागेल, त्यानंतरच तो नेहमीप्रमाणे आयुष्य जगू शकतो, असं वूडलॅन्ड्स रुग्णायलाच्या सीईओ रुपाली बसू यांनी सांगितलं.

सौरव गांगुलीची प्रकृती स्थिर आहे. त्याला कशाचाही धोका नाही. गांगुली सध्या विश्रांती घेत आहे. गांगुलीचा रक्तदाब 110/70 इतका आहे. तसेच ऑक्सिजन लेवलही 98 इतकी आहे. गांगुलीवर दुसऱ्यांदा अँजियोप्लास्टी करण्याची आवश्यकता आहे. कारण एकूण हार्ट ब्लॉक काढण्यात आले नाहीत. काही वेळात अँजियोप्लास्टी करण्यात येणार आहे”, अशी माहिती रुग्णालयाकडून देण्यात आली.

सौरव गांगुलीला Triple vessel disease ची बाधा आहे. यामुळे गांगुलीच्या हृदयाला रक्तपुरवठा होण्यास अडथळा निर्माण होत आहे. यामुळेच त्याला ह्रदयविकाराचा सौम्य झटका आला, अशी माहिती डॉक्टरांनी दिली.

News English Summary: Doctors at Woodlands Hospital have given important information about the health of former India captain and BCCI president Sourav Ganguly. Another angioplasty will be performed on Ganguly in the next 48 hours. The doctor will decide. Ganguly is expected to be discharged next week and will not have to undergo bypass surgery, doctors said. After being discharged, Ganguly will have to rest for a month, after which he will be able to lead a normal life, said Rupali Basu, CEO of Woodlands Hospital.

News English Title: Sourav Ganguly health doctor said he may not require bypass surgery news updates.