देश को बिकने नही दूंगा | BPCL कंपनीतील ५२.९८% हिस्सा मोदी सरकार विकणार

नवी दिल्ली, ४ जानेवारी: भारत पेट्रोलियम कॉर्पोरेशन लिमिटेडच्या (बीपीसीएल) खासगीकरणाच्या माध्यमातून पैसा उभारण्याची तयारी केंद्र सरकारने सुरु केली आहे. भारत पेट्रोलियम कॉर्पोरेशनमधील सरकारच्या ५२.९८ टक्के हिस्स्याच्या विक्रीमधून ९० हजार कोटी रुपये उभे करण्याचा केंद्र सरकारचा विचार आहे. सध्या भारत पेट्रोलियम कॉर्पोरेशनला विकत घेण्यामध्ये तीन कंपन्यांनी स्वारस्य दाखवलं आहे. (Modi govt decided to sale stake of Bharat Petroleum at Double Valuation)

हिंदुस्तान टाइम्सने बीपीसीएलच्या विक्रीशी संबंधित असणाऱ्या एका अधिकाऱ्याच्या हवाल्याने दिलेल्या वृत्तानुसार, कंपनीच्या खासगीकरणामधून जास्तीत जास्त पैसा उभा करण्यासाठी बीपीसीएलच्या स्टॉक्सची किंमत याच क्षेत्रातील कंपनीच्या विरोधकांच्या शेअर्स इतकी करण्याचा सरकारचा मानस आहे. तर द मिंटच्या वृत्तानुसार सरकारने जो ५२.९८ टक्के वाटा विक्रीसाठी काढला आहे त्यामधून ९० हजार कोटी रुपये उभं करण्याचं लक्ष समोर ठेवलं आहे. यामध्ये बीपीसीएलच्या इतर संपत्तीचाही समावेश आहे. (The government intends to raise BPCL’s stock to as much as the company’s opponents in the same sector to raise maximum money from the company’s privatisation)

दरम्यान, इस देश को बिकने नही दूंगा ही मोदींची भाषणं आजही समाज माध्यमांवर सहज पाहायला मिळतात. मात्र सत्तेत आल्यापासून नवरत्न कंपन्यांपासून अनेक कंपन्यांमधील हिस्सेदारी विकण्याचा मोदी सरकारने सपाटा लावला आहे. अनेक सरकारी कंपन्यांची अवस्था बिकट असून मोठ्या प्रमाणावर कर्मचारी देखील देशोधडीला लागले आहेत. त्यात आता अजून एका कंपनीची भर पडली आहे.

मोदी सरकारने आणखी एका सरकारी कंपनीतील आपली धोरणात्मक भागीदारी कमी करण्यासाठी बोली लावणार आहे. खाण क्षेत्रातील ही कंपनी बीईएमएल (BEML) असून यामध्ये सरकार व्यवस्थापनावरील नियंत्रणासह आपली 26 टक्के भागीदारी विकणार आहे. त्यामुळे बीईएमएल देखील अशा सरकारी कंपन्यांच्या यादीत सामील झाली आहे, ज्यामध्ये केंद्र सरकार आपले भागभांडवल कमी करणार आहे. बीईएमएलमध्ये भागीदारी घेऊ इच्छिणाऱ्या कंपन्यांना 1 मार्च 2021 पूर्वी एक्सप्रेशन ऑफ इंटरेस्ट जमा करावे लागेल.

News English Summary: The central government is preparing to raise money through privatization of Bharat Petroleum Corporation Limited (BPCL). The Center plans to raise Rs 90,000 crore from the sale of its 52.98 per cent stake in Bharat Petroleum Corporation. Currently, three companies are interested in acquiring Bharat Petroleum Corporation.

News English Title: Modi govt decided to sale stake of Bharat Petroleum at Double Valuation news updates.