कर नाही त्याला डर कशाला? | सेनेकडून भाजपच्या डायलॉगची परतफेड

मुंबई, ५ जानेवारी: भाजप नेते आणि माजी मंत्री गिरीश महाजन यांच्या अडचणीत आणखीनच वाढ झाली आहे. जळगाव जिल्हा विद्या प्रसारक मंडळाच्या संचालकाला कोंडून ठेवून मारहाण केल्याचा आणि त्यांना खंडणी मागितल्याचा आरोप गिरीश महाजन यांच्यावर करण्यात आला असून या प्रकरणी कोथरूड पोलीस ठाण्यात गुन्हा दाखल करण्यात आला आहे.

जळगाव जिल्हा मराठा विद्या प्रसारक मंडळाच्या संचालकांमध्ये वाद आहे. काल रात्री गिरीश महाजन यांनी मंडळाच्या संचालकांना डांबून ठेवून मारहाण केली. तसेच त्यांच्याकडे पाच कोटींची खंडणी मागितल्याचा आरोप आहे. याप्रकरणी कोथरूड पोलीस ठाण्यात गुन्हा दाखल करण्यात आला असून पोलीस अधिक तपास करत आहेत.

दरम्यान खंडणी मागितल्याप्रकरणी भाजप नेते गिरीश महाजन यांच्याविरोधात पुण्यात गुन्हा दाखल करण्यात आला आहे. त्यामुळे महाजन चांगलेच अडचणीत आले असून हा राजकीय षडयंत्राचा भाग असल्याचा दावाही त्यांनी केला आहे. याप्रकरणी शिवसेनेचे खासदार अरविंद सावंत यांनी महाजन यांना चांगलेच टोले लगावले आहेत. कर नाही त्याला डर कशाला? असं सांगत अरविंद सावंत यांनी महाजन यांना थेट भाजप नेत्यांचाच डायलॉग सुनावला आहे.

News English Summary: A case has been registered against BJP leader Girish Mahajan in Pune for demanding ransom. Therefore, Mahajan is in a difficult situation and he has also claimed that it is part of a political conspiracy. Shiv Sena MP Arvind Sawant has slammed Mahajan in this regard. Why is he afraid of no taxes? Saying this, Arvind Sawant has narrated the dialogue of BJP leaders directly to Mahajan.

News English Title: Shivsena MP Arvind Sawant reply to BJP over FIR registered against Girish Mahajan news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.