मनसे अध्यक्षांभोवतीच्या लोकांवर गितेंना आजही अविश्वास | शिवसेनेत प्रवेशाची शक्यता

नाशिक, ७ जानेवारी: नाशिक महापालिका निवडणुकांच्या तोंडावर अनेकांनी भाजप सोडण्याचा निर्णय घेतल्याचं वृत्त आहे. भाजपमधील एक गट नाराज असल्याने अनेक माजी आमदार तसेच नगरसेवक शिवसेना किंवा राष्ट्रवादीच्या संपर्कात आले आहेत. त्यातच माजी आमदार आणि भाजप नेते वसंत गिते यांनी समर्थकांसाठी ‘मिसळ पार्टी’चं आयोजन केले होते. त्यामुळे गिते सुद्धा ‘मिसळी पे चर्चा’ करून भाजपाला राम राम ठोकण्याचा तयारीत असल्याचं वृत्त आहे. त्यात भाजपच्या आमदार देवयानी फरांदे यांच्या सोबत देखील वसंत गीते यांचं राजकीय वैमनस्य असल्याने त्यांचा भाजपातील मार्ग खडतर आहे.

भारतीय जनता पक्षाच्या प्रदेश सरचिटणीस पदावरुन देखील गीतेची उचलबांगडी करून कार्यकारिणी सदस्यपद दिल्याने वसंत गिते अत्यंत नाराज आहेत. त्यामुळे ‘मिसळ डिप्लोमसी’च्या निमित्ताने पक्षांतराचा विचार त्यांनी केला. त्यानंतर ते कार्यकर्ते, समर्थक यांच्याशी चर्चा करुन पुढचा निर्णय घेतील असं वृत्त होतं. विशेष म्हणजे अनेक मनसे कार्यकर्ते आणि पदाधिकारी पक्षादेश झुगारून गीतेच्या मिसळ पार्टीत हजर राहिल्याने नाशिक मध्ये मनसेला देखील नुकसान होणार हे निश्चित आहे. त्यात इतर पक्षाचे वरिष्ठ पक्ष विस्तारासाठी दौऱ्यावर असताना मनसे अध्यक्ष राज ठाकरे यांचे दौरे निश्चित होण्यासाठी ३-४ महिन्यांचा कालावधी घेत आहेत. परिणामी त्याच काळात कार्यकर्ते आणि पदाधिकारी इतर पक्षांचा गळाला लागत आहेत.

दरम्यान, वसंत गीते देखील पुन्हा त्यांच्या मूळ स्वगृही म्हणजे शिवसेनेत परतणार असल्याचं वृत्त आहे. मात्र मनसेत पुन्हा जाऊन स्वतःची राजकीय कोंडी आणि अडचण करून घेण्यात त्यांना काहीच रस नसल्याचं वृत्त आहे. परिणामी, मनसे अध्यक्षांच्या जवळील लोकांवर त्यांनी आजही अविश्वास दाखवत शिवसेनेत जाण्याच जवळपास निश्चित केलं आहे. शिवसेना खासदार संजय राऊत देखील आज नाशिकच्या दौऱ्यावर आहेत.

मनसेच्या काही पदाधिकाऱ्यांनी वसंत गिते यांच्या निवासस्थानी जाऊन पक्षात परतण्याचं सूचवलं होतं. परंतु, मला ज्या तीन नेत्यांमुळे मनसेतून बाहेर पडावं लागलं, त्या नेत्यांसोबत काम करावं का? असा प्रश्न गिते यांनी विचारला. गिते यांचा रोख पूर्णपणे बाळा नांदगावकर, नितीन सरदेसाई व अविनाश अभ्यंकर यांच्याकडेच होता. नाशिकमध्ये मनसेला आपण वाढवलं, पक्षाचं काम मोठं केल. पण, भविष्यात आपल्याला स्पर्धक निर्माण होईल, म्हणून काही जणांनी मला पक्षातून बाहेर पडण्यास भाग पाडलं, असे यावेळी गिते यांनी म्हटले. तसेच, शिवसेना ही मला आईसमान आहे, असे सांगत शिवसेनेत प्रवेश करण्याचे संकेतही गिते यांनी यावेळी दिले. त्यामुळे, मनसेचे नेते निराश होऊन परतले.

News English Summary: Some MNS office bearers had suggested to go to Vasant Gite’s residence and return to the party. But, should I work with the three leaders who forced me out of the MNS? This question was asked by Gite. Gite’s cash was entirely with Bala Nandgaonkar, Nitin Sardesai and Avinash Abhyankar. We raised MNS in Nashik, made the work of the party bigger. “But in the future, we will have a competitor, so some people forced me to quit the party,” Gite said. Gite also hinted at joining Shiv Sena, saying that Shiv Sena is like ice to me. Therefore, the MNS leaders returned disappointed.

News English Title: BJP Leader Vasant More again rejoining Shivsena in presence of MP Sanjay Raut news updates.