अनिल अंबानींच्या ३ कंपन्यांची बँकेत फ्रॉड खाती | आर्थिक अफरा-तफरी | ना ED ना CBI

मुंबई, ७ जानेवारी: मोदी सरकार देशभर विरोधकांच्या मागे ईडी, CBI आणि इन्कम टॅक्स खात्याच्या चौकशी लावून विरोधकांना त्रास देत असल्याचा आरोप नेहमीच करण्यात येतोय. त्यात सर्वाधिक भर हा ज्या राज्यात भाजपाची सत्ता नाही तिथल्या विरोधकांना लक्ष केलं जातं. सध्या महाराष्ट्रातील सत्ताधारी आणि त्यांचे नातेवाईक विशेष लक्ष आहेत.

मोदी सरकार सत्तेत आल्यापासून हे सरकार उद्योगपतींचं असल्याचा आरोप सातत्याने करण्यात आला आहे. विशेष म्हणजे मागील काही काळापासून अनिल अंबानी यांचं नाव अनेक चुकीच्या आर्थिक विषयात पुढे येऊन देखील मोदी सरकारकडून कोणतीही हालचाल करण्यात आलेली नाही. विशेष म्हणजे त्यांच्या कंपनीच्या कर्जामुळे राष्ट्रीयकृत बँकांना मोठं आर्थिक नुकसान होऊन NPA मध्ये प्रचंड वाढ झाली आहे.

रिलायन्स कम्युनिकेशन, रिलायन्स टेलिकॉम आणि रिलायन्स इन्फ्राटेल या तीन कंपन्यांची बँक खाती ‘फ्रॉड खाती’ म्हणून घोषीत करण्यात आल्याची माहिती ‘स्टेट बँक ऑफ इंडिया’ने (SBI) दिल्ली उच्च न्यायालयात दिली आहे. या तिन्ही कंपन्यांची मालकी उद्योगपती अनिल अंबानी यांच्याकडे आहे.

एसबीआय’चा निर्णय अनील अंबानी यांच्यासाठी मोठा धक्का मानला जात आहे. अनिल अंबानींच्या तीन कंपन्यांच्या बँक खात्यांचे ऑडिट केले असता त्यात निधीचा दुरुपयोग, चुकीच्या पद्धतीने हस्तांतरण आणि अफरा-तफरी झाल्याचं समोर आलं आहे. त्यामुळेच तिन्ही खात्यांना ‘फ्रॉड’ यादीत टाकण्यात आलं आहे, असं बँकेने कोर्टात नमूद केलं आहे.

सुत्रांच्या माहितीनुसार अनिल अंबानी यांच्या तिन्ही कंपन्यांची स्टेट बँकेकडे ४९ हजार कोटी रुपयांची थकबाकी आहे. यात रिलायन्स इन्फ्राटेलच्या १२ हजार कोटींच्या थकबाकीचा समावेश आहे. तर रिलायन्स टेलिकॉमने २४ हजार कोटी थकवले आहेत.

News English Summary: SBI’s decision is being hailed as a major setback for Anil Ambani. An audit of the bank accounts of three of Anil Ambani’s companies has revealed misuse of funds, improper transfers and scams. That is why all the three accounts have been included in the ‘fraud’ list, the bank said in court. According to sources, Anil Ambani’s three companies have arrears of Rs 49,000 crore with SBI. This includes Reliance Infratel’s arrears of Rs 12,000 crore. Reliance Telecom has spent Rs 24,000 crore.

News English Title: Anil Ambanis reliance companies bank accounts declared fraud Delhi high court after SBI audit news updates.