आरोप सिद्ध झाले नाही तर ईडीच्या कार्यालयासमोर आरोप करणाऱ्यांना जोड्याने मारणार

मुंबई, ११ जानेवारी: पीएमसी बँक घोटाळ्याप्रकरणी शिवसेना नेते व राज्यसभा सदस्य संजय राऊत यांच्या पत्नी वर्षा राऊत यांना ईडीने पुन्हा एकदा समन्स बजावले आहेत. आज म्हणजे ११ जानेवारीला चौकशीसाठी हजेर राहण्याचे आदेशही देण्यात आले होते.

PMC बँकेत वर्षा राऊत यांच्या खात्यात १२ वर्षांपूर्वी निकटवर्तीय प्रकाश राऊत यांच्याकडून ५० लाख रुपये भरण्यात आले होते. याबाबत प्रकाश राऊत व त्यांच्या पत्नीचा जबाब नोंदविण्यात आला असून ईडी गेल्या दीड महिन्यापासून वर्षा राऊत यांच्याकडे पत्रव्यवहार करून विचारणा करीत आहे. परंतु त्यांच्याकडून अपेक्षित प्रतिसाद न मिळाल्याने त्यांना २९ डिसेंबरला ईडीच्या कार्यालयात हजर राहण्याबाबत समन्स बजाविले होते. परंतु संजय राऊत यांनी भारतीय जनता पक्षाकडून ही राजकीय सुडातून कारवाई सुरू असल्याची टीका केली.

दरम्यान भारतीय जनता पक्षाचे माजी खासदार किरीट सोमय्या यांनी पुन्हा एकदा शिवसेनेवर गंभीर आरोप केले असून शिवसेना त्यांच्याविरोधात अब्रुनुकसानीचा खटला दाखल करणार असल्याचं सांगितलं जात आहे. दरमयान शिवसेना खासदार संजय राऊत यांनी बेफाट आरोप केले जात असून त्यातून काही निष्पन्न होणार नाही असं म्हटलं आहे. तर याचवेळी त्यांनी आरोप सिद्ध झाले नाहीत तर जोड्याने मारणार असल्याचं म्हटलं आहे.

ज्या पद्दतीने ही मंडळी अफाट, बेफाट, तोंडफाट आरोप करत सुटले आहेत त्यातून काही निष्पन्न होणार नाही. काहीही कागदं फडकावतात आणि आरोप करतात. प्रताप सरनाईक, राज्यातील प्रमुख नेते तसंच मी आणि माझ्या कुटुंबासोबत हेच केलं. हिंमत असेल तर यांनी हे आरोप सिद्ध करुन दाखवले पाहिजेत. अब्रुनुकसानीचे खटले वैगैरे ठीक आहे ते कोर्टात जाईल पण आरोप सिद्ध झाले नाही तर ईडीच्या कार्यालयासमोर या आरोप करणाऱ्यांना जोड्याने मारलं नाही तर माझं नाव संजय राऊत नाही हे मी आधीच सांगितलं आहे, असा थेट इशारा संजय राऊत यांनी दिला आहे.

News English Summary: Former BJP MP Kirit Somaiya has once again leveled serious allegations against Shiv Sena and it is being said that Shiv Sena will file a defamation suit against him. Meanwhile, Shiv Sena MP Sanjay Raut has said that baseless allegations are being made and nothing will come out of it. At the same time, he has said that if the allegations are not proved, he will kill the couple.

News English Title: Shivsena MP Sanjay Raut challenge BJP leader Kirit Somaiya over ED inquiry news updates.