युवासेनेकडून भाजप आ. राम कदमांच्या विरोधात मुंबईत निषेध मोर्चा

मुंबई, १२ जानेवारी: राजकीय पक्षाच्या कार्यकर्त्यांनी पोलिसांवर हल्ले करणं नवं राहिलेलं नाही. यामध्ये सर्वाधिक हल्ले हे रहदारी दरम्यान होतात आणि त्यात वाहतूक पोलीस सर्वाधिक लक्ष होतात. काल पवई पोलीस स्टेशनच्या हद्दीत बाईकवरून भरधाव वेगाने ट्रिपल सीट जात एका वृद्धेला धडक देण्यात आली. यावेळी संबधित तिघांना हटकणाऱ्या पवई पोलीस ठाण्याच्या दोन कर्मचाऱ्यांवर हल्ला चढविण्यात आला होता. त्यादरम्यान पवई पोलीस ठाण्यात कार्यरत पोलीस कर्मचारी नितीन खैरमोडे हे जखमी झाले.

याप्रकरणी सचिन तिवारी नामक इसमाला ताब्यात घेण्यात आले आहे. तर मुख्य आरोपी दिपू तिवारी व आयुष राजभर यांचा शोध सुरू असून तिघांवर गुन्हा दाखल करण्यात आला आहे असून हे सर्व भारतीय जनता पक्षाचे कार्यकर्ते असल्याची माहिती समोर आली आहे. परंतु याच आरोपी कार्यकर्त्यांना वाचविण्यासाठी भाजपचे आमदार राम कदम यांचा पोलिसांना कॉल करून दबाव टाकण्याचा प्रयत्न केला.

दरम्यान, भारतीय जनता पक्षाचे आमदार राम कदमांनी पोलिसांना मारहाण करणाऱ्या भारतीय जनता पक्षाच्या कार्यकर्त्यांना सोडण्यासाठी पोलिसांवर दबाव आणल्यानं राम कदमांचा आता निषेध नोंदवण्यात आलाय. वरळीत युवासेनेकडून भारतीय जनता पक्षाचे नेते आणि आमदार राम कदमांच्या विरोधात निषेध मोर्चा काढण्यात आलाय. आमदार राम कदम यांच्याविरोधात तुफान नारेबाजीसुद्धा करण्यात आलीय. भारतीय जनता पक्षाच्या कार्यकर्त्यांची मानसिकता ही गुंड प्रवृत्तीची असल्याचंही युवासेनेनं सांगितलंय.

कर्तव्यदक्ष मुंबई पोलिसांना मारहाण करणाऱ्या भाजपच्या गुंडांची बाजू घेणारे भाजपचे आमदार राम कदम यांच्या निषेधार्ह युवासेनेने आंदोलन केले.

‘त्या’ तिघांवर देश द्रोहाचा गुन्हा नोंदवावा अशी आम्ही मागणी केली.#ISupportMumbaiPolice pic.twitter.com/F8UWdCVwwZ

— Varun Sardesai (@SardesaiVarun) January 12, 2021

महाराष्ट्र पोलिसांवर केलेल्या भ्याड हल्ल्याच्या निषेधार्थ युवासेनेतर्फे आज युवासेनाप्रमुख आणि मंत्री आदित्य ठाकरे यांच्या मार्गदर्शनात आंदोलन करण्यात येत आहे. भारतीय जनता पक्षाचे गुंड तसेच त्यांना सोडविण्यासाठी प्रयत्न करणारे आमदार राम कदम यांनी आपली संस्कृती दाखवल्याचा शिवसैनिकांनी घणाघात केलाय. महाराष्ट्र पोलिसांच्या अस्मितेला जर भारतीय जनता पक्षासारखा गुंड प्रवृत्तीचा पक्ष खतपाणी घालत असेल तर ‘युवासेना’ अखेरपर्यंत कडाडून विरोध करणार असल्याचंही युवासेनेच्या कार्यकर्त्यांनी ठणकावून सांगितलंय.

#yuvasena #चारकोप #कांदिवली #मालाड @isiddheshRkadam @YuvasenaCharkop @abhishirke21 @mamtoranikhil pic.twitter.com/4kw99eI4Dl

— parag patil (@pparag2408) January 12, 2021

News English Summary: Bharatiya Janata Party (BJP) MLA Ram Kadam has now lodged a protest against the police for pressuring the police to release the BJP workers who had beaten him up. In Worli, Yuvasena has staged a protest against BJP leader and MLA Ram Kadam. Storm slogans were also chanted against MLA Ram Kadam. Yuvasena also said that the mentality of Bharatiya Janata Party workers is hooligan.

News English Title: Yuvasena protest in Mumbai against BJP MLA Ram Kadam news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.