मीरा भाईंदर महापालिका | राष्ट्रवादीत जोरदार इनकमिंग सुरु

मीरा भाईंदर, १९ जानेवारी: मीरा भाईंदर शहरात राष्ट्रवादी काँग्रेस पक्षात जोरदार इनकमिंग सुरु झालं आहे. राष्ट्रवादीचे प्रदेशाध्यक्ष आणि जलसंपदा मंत्री जयंत पाटील यांच्या उपस्थितीत मीरा भाईंदरच्या माजी महापौर, माजी विरोधीपक्ष नेते यांच्यासह अनेक कार्यकर्त्यांनी पुन्हा घड्याळ हाती बांधले. भारतीय जनता पक्ष, शिवसेना आणि काँग्रेस अशा तिन्ही प्रमुख पक्षातील नेते-कार्यकर्त्यांनी राष्ट्रवादीच पुनर्प्रवेश केला.

राष्ट्रवादीचा हात सोडून दुसऱ्या पक्षात गेलेल्या नेत्यांची घरवापसी सुरु झाली आहे. जयंत पाटील यांच्या अध्यक्षतेखाली राष्ट्रवादीच्या मध्यवर्ती कार्यालयात शेकडो कार्यकर्त्यांनी पक्षप्रवेश केला. यामध्ये मीरा भाईंदर महापालिकेचे माजी विरोधीपक्ष नेते डॉ. असिफ शेख, माजी महापौर निर्मला सावळे आणि रमजान खत्री यांच्यासह अन्य कार्यकर्त्यांचा समावेश आहे.

यावेळी माजी आमदार हरिदास भदे यांच्या पुढाकाराने नागपूरमधील धनगर समाजाचे नेते आणि वंचित बहुजन आघाडीचे माजी जिल्हा उपाध्यक्ष देवेंद्र थोटे, भोई समाज बहुद्देशीय फाऊंडेशनचे बंडुभाऊ सुरजुसे यांनी राष्ट्रवादी काँग्रेसमध्ये प्रवेश केला.

News English Summary: In Mira Bhayandar city, strong influx of NCP has started. In the presence of NCP state president and water resources minister Jayant Patil, several activists, including Mira Bhayander’s former mayor and former opposition leader, re-tied the clock. Leaders and activists from the three major parties, the Bharatiya Janata Party, the Shiv Sena and the Congress, rejoined the NCP.

News English Title: Mira Bhayandar leaders joins NCP party in presence of NCP state president Jayant Patil news updates.