सीरमच्या इमारतीला भीषण आग | ५ जणांचा होरपळून मृत्यू | आरोग्यमंत्र्यांची माहिती

पुणे, २१ जानेवारी: सीरमच्या इमारतीला भीषण आग लागलेली असून, इमारतीत पाच जणांचा मृतदेह सापडल्यानं एकच खळबळ उडालीय. आग लागलेल्या इमारतीमध्ये पाच मृतदेह सापडलेत, अशी माहिती जिल्हाधिकारी राजेश देशमुख यांनी दिल्याचं आरोग्यमंत्री राजेश टोपे यांनी सांगितलंय. तसेच तीच माहिती पुण्याचे महापौर मुरलीधर मोहोळ यांनी देखील दिली आहे.

प्रथम ४ जण अडकल्याची माहिती मिळाली होती. पुणे महापालिका आणि अग्निशमन दलाने त्यांना सुखरुप बाहेर काढण्यात आलं. आग १०० टक्के विझल्यानंतर आपली लोकं शेवटच्या मजल्यावर पोहोचली तेव्हा मजला खाक झाला होता आणि पाच जणांचे मृतदेह पडले होते. पाचही जणांचा आगीत होरपळून मृत्यू झाला,” असं मुरलीधर मोहोळ यांनी सांगितलं.

जिल्हाधिकारी राजेश देशमुख यांच्याशी बोललेलो आहे. त्यांच्या माहितीप्रमाणे MSEZ 3 म्हणजे मांजरीमधील जो कारखाना आहे, त्यामध्ये MSEZ 3 या इमारतीला आग लागली. त्या ठिकाणी रोटा व्हायरस प्लांट इन्स्टॉलेशनचे काम चालू होते. तिथे वेल्डिंगचं काम सुरू होतं. साधारण दुपारी दोन वाजता ही आग लागली. एक्झिक्युटिव्ह डायरेक्टर डॉक्टर जाधव आणि जिल्हाधिकारी घटनास्थळी आहेत. त्यांनी घटनास्थळावरून ही माहिती दिलेली आहे. इमारतीतील मटेरियल आग भडकण्याला कारण ठरलं, असंही राजेश टोपे म्हणालेत.

News English Summary: A fire broke out in the Seram building and the bodies of five people were found in the building. Health Minister Rajesh Tope said that five bodies were found in the burning building. The same information has also been given by Pune Mayor Murlidhar Mohol.

News English Summary: Five peoples death in Serum Institute fire in Pune news updates.