कांहीना उगीच पोलिसांचा जथ्था सोबत घेवून फिरायची भारी हौस | आता त्यांना चांगली झोप लागेल

कोल्हापूर, २१ जानेवारी: राज्य सरकारने पूर्ण विचाराअंती ज्या नेत्यांची सुरक्षा व्यवस्था कमी केली, त्यांना केंद्र सरकारने सुरक्षा व्यवस्था पुरवणे हे अत्यंत चुकीचेच आहे. हा राज्य सरकारच्या अधिकारामध्ये केलेला हस्तक्षेप आहे. या निर्णयामुळे ज्यांची सुरक्षा व्यवस्था राज्य सरकारने कमी केली होती, त्या नेत्यांना चांगली झोप तरी लागेल. कांहीना उगीच पोलिसांचा जथ्था सोबत घेवून फिरायची भारी हौस असते, असा टोला अप्रत्यक्ष टोला पवारांनी नारायण राणे आणि चंद्रकांत पाटील यांना लगावला आहे.

याविषयी बोलताना शरद पवार म्हणाले, कायदा-सुव्यवस्था याचा नेमकाविचार करून कोणाला किती सुरक्षा पुरवायची याचा निर्णय राज्य शासन घेत असते. त्यानुसार राज्य शासनाने निर्णय घेतला असताना केंद्र शासनाने त्यामध्ये हस्तक्षेप करून पुन्हा नव्याने सुरक्षा पुरवली आहे; ही पद्धत योग्य नव्हे, अशी टिप्पणीही त्यांनी केली. माझीही सुरक्षा व्यवस्था कमी केली होतो पण त्यावर आपण काहीही प्रतिक्रिया व्यक्त केली नव्हती.

पवार म्हणाले, ज्यांची सुरक्षा व्यवस्था कमी केली, तो राज्य सरकारने वरिष्ठ पोलिस अधिकाऱ्यांनी दिलेल्या अहवालाच्या आधारे घेतलेला निर्णय होता. असे असताना केंद्राने त्यांना सुरक्षा व्यवस्था पुरविणे हे जरा गंमतीशीरच आहे. मलाही त्याचे आश्चर्य वाटले.

News English Summary: It is very wrong for the central government to provide security to the leaders whose security has been reduced by the state government. This is an interference in the authority of the state government. The decision will give a good night’s sleep to the leaders whose security arrangements were reduced by the state government. Pawar has indirectly accused Narayan Rane and Chandrakant Patil of wanting to take a group of policemen with them.

News English Title: NCP President Sharad Pawar slams BJP MP Narayan Rane over personal security news updates.