स्वत:वर गोळी झाडून भय्यूजी महाराजांची आत्महत्या

इंदूर : स्वत:वर गोळी झाडून भय्यूजी महाराजांनी जीवन संपवलं असलं तरी अद्याप आत्महत्येचं कारण अस्पष्ट असल्याचं समजतं. इंदूरमधील त्यांच्या निवासस्थानी त्यांनी स्वत:वर गोळी झाडून आत्महत्या केली.

त्यांना इस्पितळात दाखल केलं असता उपचारा दरम्यान त्यांचा मृत्यू झाल्याचं समजतं. राज्याच्या आणि देशाच्या राजकारणात ते अनेकदा सक्रिय असल्याचे दिसले आहे. भय्यूजी महाराज हे राष्ट्रसंत म्हणून सुद्धा सर्वांना परिचित होते.

मध्य प्रदेशातील शिवराज सिंह सरकारनं त्यांना नुकताच मंत्रिपदाचा दर्जा दिला होता. त्यांच्या आश्रमात नेहमीच कलाकार, गायक, उद्योगपती, राजकारण इत्यादी अनेक दिग्गज व्यक्तींच येणं जाणं असायचं.