शेतकरी-कामगार कायद्यांच्या विरोधात राजभवनवर मोर्चा | मोठ्या संख्येने शेतकरी मुंबईत

मुंबई, २४ जानेवारी: केंद्र सरकारच्या तीन कृषी कायद्यांविरोधात दिल्लीच्या सीमेवर जवळपास गेल्या दोन महिन्यांपासून शेतकऱ्यांचे आंदोलन सुरु आहे. शेतकऱ्यांच्या आंदोलनाचा आज 58 वा दिवस आहे. केंद्र सरकारसोबत शेतकऱ्यांच्या अनेकदा बैठका झाल्या. मात्र, अद्यापही हवा तसा तोडगा निघालेला नाही. त्यामुळे शेतकऱ्यांनी प्रजासत्ताक दिनी दिल्लीत शिरुन ट्रॅक्टर रॅली काढण्याचा निर्धार केला आहे.

दुसरीकडे महाराष्ट्रात देखील पडसाद उमटण्यास सुरुवात झाली आहे. शेतकरी आणि कामगार कायद्यांच्या विरोधात राजभवनवर मोर्चासाठी नाशिकहून निघालेले शेतकरी आंदोलक मुंबईत दाखल झाले आहेत. आझाद मैदानात आज(२५ जानेवारी) होणाऱ्या जाहीर सभेत राष्ट्रवादी काँग्रेसचे अध्यक्ष शरद पवार, काँग्रेस प्रदेशाध्यक्ष बाळासाहेब थोरात आदी सहभागी होणार आहेत.

मार्क्‍सवादी कम्युनिस्ट पक्षाच्या किसान सभेच्या नेतृत्वाखाली राज्याच्या २१ जिल्ह्य़ांमधून शेतकरी व कामगार हे नाशिकहून मुंबईत दाखल झाले.
शेतकरी व कामगार कायदे रद्द करण्याच्या मागणीसाठी हे आंदोलन करण्यात येत असल्याचे किसान सभेचे राष्ट्रीय अध्यक्ष डॉ. अशोक ढवळे यांनी सांगितले. आझाद मैदानात उद्या सकाळी जाहीर सभा होईल. या सभेत डाव्या पक्षांच्या नेत्यांसह राष्ट्रवादी काँग्रेसचे अध्यक्ष शरद पवार, काँग्रेसचे प्रदेशाध्यक्ष बाळासाहेब थोरात, शिवसेना नेते सहभागी होतील. त्यानंतर दुपारी दोन वाजता मोर्चा राजभवनकडे कूच करेल. राजभवनावर जाण्याचा निर्धार कायम असल्याचे डॉ. नवले यांनी सांगितले आहे.

News English Summary: On the other hand, repercussions are beginning to emerge in Maharashtra as well. Farmers’ agitators who had left Nashik for a march on Raj Bhavan against farmers and labor laws have arrived in Mumbai. NCP President Sharad Pawar, Congress State President Balasaheb Thorat and others will participate in the public meeting to be held today (January 25) at Azad Maidan.

News English Title: NCP President Sharad Pawar participate in farmers protest in Mumbai News updates.