राम मंदिरासाठी BJP-RSS'ने गोळा केलेला निधी भाजपाच्या पक्षनिधीसाठी वापरला जाण्याची शक्यता

मुंबई, २९ जानेवारी: अयोध्येमध्ये राम मंदिर उभारणीसाठी देशपातळीवरती राम मंदिर तिर्थक्षेत्र ट्रस्टच्या माध्यमातून निधी गोळा केला जात आहे परंतु या ट्रस्टबरोबरच भाजपा व आरएसएस देखील घरोघरी जाऊन रोखीने पैसे गोळा करत आहेत. भारतीय जनता पक्ष, आरएसएसची पार्श्वभूमी पाहता या माध्यमातून भाजपा-संघाकडून जनतेला लुबाडले जाण्याची मोठी शक्यता असून सदर पैसा भारतीय जनता पक्षाच्या कार्यकर्त्यांच्या घरी किंवा भारतीय जनता पक्षाच्या पक्षनिधीसाठी वापरला जाण्याची शक्यता आहे.

त्यामुळे जनतेने राम मंदिर निर्मितीसाठीच आपला निधी राम मंदिर तिर्थक्षेत्र ट्रस्टमध्ये थेट जाईल याची खबरदारी घ्यावी. आजवर भारतीय जनता पक्ष-आरएसएस मार्फत गोळा केलेला निधी सदर ट्रस्टलाच भारतीय जनता पक्ष-आरएसएसने पोहोचवला की नाही याची चौकशी राज्य सरकारने करावी, अशी मागणी करून भारतीय जनता पक्ष आणि संघाकडून जनतेला लुबाडले जाण्याची शक्यता आहे, असा इशारा महाराष्ट्र प्रदेश काँग्रेस कमिटीचे सरचिटणीस व प्रवक्ते सचिन सावंत यांनी दिला.

सचिन सावंत म्हणाले, “भारतीय जनता पक्षाने आणि राष्ट्रीय स्वयंसेवक संघाने राम मंदिराकरिता या अगोदर देखील निधी गोळा केला होता. त्याचे अद्याप काय झाले याची माहिती त्यांनी दिलेली नाही. राम मंदिरासाठी गेली अनेक वर्षे लढणाऱ्या निर्मोही आखाड्याने विश्व हिंदू परिषदेवर अयोध्या मंदिराकरिता जमा केलेले १४०० कोटी रुपये लुबाडल्याचा आरोप केला होता.

अखिल भारतीय हिंदू महासभेने २०१५ साली विश्व हिंदू परिषदे तर्फे १४०० कोटी रुपये आणि अनेक क्विंटल सोने लुबाडले गेल्याचा आरोपही केला होता. त्याचेही उत्तर अजून संघ परिवारातर्फे दिले गेलेले नाही. या संदर्भात अखिल भारतीय हिंदू महासभेने पंतप्रधान कार्यालयाला ४ ऑगस्ट २०१७ रोजी तक्रार केली होती. पण याची चौकशी करण्याची तयारी भाजपाच्या कोणत्याही सरकारने दाखवलेली नाही.”

News English Summary: Funds are being raised for the construction of a Ram temple in Ayodhya through the national Ram Mandir Pilgrimage Trust, but along with this trust, the BJP and the RSS are also going door-to-door to raise money. Given the background of the Bharatiya Janata Party (BJP) and the RSS, the BJP-Sangha is likely to swindle the masses through this and the money is likely to be used at the homes of BJP workers or for BJP party funds.

News English Title: Congress spokesperson Sachin Sawant slams BJP over collecting donations for Ram Mandir nirman news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.