सेना अशी जिंकते तर, मिलिंद नार्वेकरांच्या पत्नीचे मतदार यादीत ६ वेळा नाव: नितेश राणे

मुंबई : शिवसेना पक्षप्रमुख उद्धव ठाकरे यांचे स्वीय सहाय्यक मिलिंद नार्वेकर यांच्या पत्नीच नाव मतदार यादीत तब्बल सहा वेळा असल्याचा आरोप आमदार नितेश राणे यांनी केला आहे. इतकंच नाही तर त्यांनी पुरावा दाखल यादी सुद्धा ट्विट केली आहे. पुढे त्यांनी असं सुद्धा ट्विट करत म्हटलं आहे की, ‘म्हणजे मुंबई पदवीधर मतदारसंघाची निवडणूक शिवसेना अशी जिंकते तर!’.

लवकरच मुंबई पदवीधर मतदारसंघाची निवडणूक होणार असल्याने आमदार नितेश राणे यांनी शिवसेनेवर हा गंभीर आरोप करून पुरावा दाखल मतदार यादी सुद्धा प्रसिद्ध केली आहे.

शिवसेनेबरोबर महाराष्ट्र स्वाभिमान पक्षाने सुद्धा मुंबई पदवीधर मतदारसंघाची निवडणूक लढविण्याचा निर्णय घेतला आहे. त्यामुळे मतदार यादीच्या घोळाबद्दल त्यांनी शिवसेना पक्षप्रमुख उद्धव ठाकरे यांचे स्वीय सहाय्यक मिलिंद नार्वेकर यांनाच कात्रीत पकडलं आहे. मुंबईतील मालाड मतदारसंघातील पिन कोड क्रमांक ६४ मधील मतदार यादीत मिलिंद नार्वेकर यांच्या पत्नीच नाव ६ वेळा असल्याचा दावा नितेश राणे यांनी केला आहे.

Uddhav Thackeray’s PA Milind Narvekers wife’s name comes up 6 times in Malad Vidhan Sabha list..pin code 64.. so this how Sena is goin to win the Mumbai graduate seat? pic.twitter.com/doZHFOO7io

— nitesh rane (@NiteshNRane) June 15, 2018