एक देश एक शेतकरी | कुणाल कामरा'कडून मोदी सरकारची ट्विट करत खिल्ली

मुंबई, ०५ फेब्रुवारी: ‘एक देश, एक निवडणूक’ ही पंतप्रधान नरेंद्र मोदी व भाजप अध्यक्ष अमित शहा यांच्या सुपीक डोक्यातून आलेली कल्पना. २०१४चा लोकसभेतील नेत्रदीपक विजय व त्यानंतर अनेक राज्यात भाजपने मारलेली घोडदौड पाहून भाजपला हा देश ‘काँग्रेसमुक्त’ करण्याची घाई झालेली होती.

ऑगस्ट २०१८ मध्ये अमित शहा यांनी कायदा आयोगाला एक पत्र लिहिले होते. या पत्रात देशभरात एकाचवेळी विधानसभा व लोकसभा निवडणुका घेण्याविषयी कायदा आयोगाचे काय म्हणणे आहे, असा या पत्रातील मुख्य मुद्दा होता. नंतर भाजपचे शिष्टमंडळ आयोगाला जाऊन भेटलेही होते. याच महिन्यात तत्कालिन निवडणूक आयोगाचे अध्यक्ष ओ. पी. रावत यांनी देशात एकाचवेळी विधानसभा-लोकसभा निवडणुका घेतल्यास त्यासाठी घटनात्मक दुरुस्त्या कराव्या लागतील, मतदानयंत्रांची संख्या वाढवावी लागेल. केंद्रीय सुरक्षा दल, पोलिसांची संख्या वाढवावी लागेल व अन्य प्रशासकीय बाबी पाहिल्या पाहिजेत असे विधान केले होते.

दरम्यान याच टॅगलाईन’ला अनुसरून स्टॅन्डअप कॉमेडियन कुणाल कामराने मुकेश अंबानी यांचा एक एडिटेड फोटो शेअर करत मोदी सरकारची खिल्ली उडवली आहे. देशात मोदी सरकार आल्यापासून अंबानी-अदानी यांना सर्वच क्षेत्रात झुकत माप मिळत असल्याचा आरोप विरोधकांनी सातत्याने केला आहे. सध्या देशभरात शेतकरी आंदोलनामुळे अदानी-अंबानी यांच्या सारख्या भांडवलदारांसाठीच सरकारने नवे कृषी कायदे आणले असल्याचा आरोप सुरु आहेत. याच संदर्भात ट्विट करताना कुणाल कामरा यांनी मोजक्या शब्दात ट्विट केलं आहे. ट्विट मध्ये मुकेश अंबानींचा एडिटेड फोटो ट्विट करत म्हटलं आहे, “एक देश एक शेतकरी”

One nation one farmer 🙏🏽🙏🏽🙏🏽 pic.twitter.com/jhdGq6UaYa

— Kunal Kamra (@kunalkamra88) February 4, 2021

News English Summary: Standup comedian Kunal Kamra has mocked the Modi government by sharing an edited photo of Mukesh Ambani. Opponents have consistently accused Ambani and Adani of gaining ground in all areas since the Modi government came to power. At present, due to the farmers’ agitation across the country, there are allegations that the government has introduced new agricultural laws only for capitalists like Adani-Ambani. While tweeting in this context, Kunal Kamra has tweeted in a few words. The tweet tweeted an edited photo of Mukesh Ambani, saying, “One country, one farmer.”

News English Title: Standup comedian Kunal Kamra has mocked the Modi government by sharing an edited photo of Mukesh Ambani news updates.