मोदी सरकारकडून केवळ तारखा | टिकरी बॉर्डरवर शेतकऱ्याची आत्महत्या

नवी दिल्ली, ०७ फेब्रुवारी: केंद्राच्या कृषी कायद्यांविरोधात हरयाणा-दिल्लीच्या टिकरी बॉर्डरवर आंदोलन करणाऱ्यांपैकी एका आंदोलक शेतकऱ्याने फाशी घेऊन आत्महत्या केल्याचं समोर आलं आहे. आत्महत्येपूर्वी या शेतकऱ्यानं सुसाईड नोट लिहिली असून यामध्ये केंद्र सरकारवर आरोप केले आहेत.

आत्महत्या केलेला शेतकरी जींदच्या सिंहवाला येथील रहिवाशी असल्याचं सांगितलं जात आहे. आत्महत्या केलेल्या शेतकऱ्याचं नाव दरियाव सिंह असून तो ५० वर्षांचा होता. टिकरी येथील एका बस स्टँडजवळील झाडाला प्लास्टिकच्या रशीनं गळफास घेत दरियाव यांनी आत्महत्या केली आहे. आज सकाळी शेतकऱ्यांना दरियाव यांचा मृतदेह झाडाला लटकलेल्या अवस्थेत आढळला आणि एक सुसाईड नोट देखील आढळून आली.

टिकरी बॉर्डरवर शेतकऱ्याची आत्महत्या | सुसाईड नोटमध्ये मोदी सरकारला जबाबदार धरलं आहे. pic.twitter.com/v2zsPH6LPx

— महाराष्ट्रनामा न्यूज (@MahaNewsConnect) February 7, 2021

आत्महत्या केलेल्या शेतकऱ्यानं सुसाईड नोटमध्ये मोदी सरकारला जबाबदार धरलं आहे. “भारतीय किसान युनियन झिंदाबाद. मोदी सरकार केवळ तारखांवर तारीख देत आहे. हे काळे कायदे केव्हा रद्द होतील याची काहीच शाश्वती नाही”, असं लिहून शेतकऱ्यानं आत्महत्या केलीय.

दरम्यान, देशातील शेतकरी दिल्लीच्या वेशीवर कृषी कायद्यांच्या निषेधार्थ आंदोलन करीत आहेत. या ठिकाणी केलेली इंटरनेट बंदी कायद्याच्या कचाट्यात अडकणार आहे. इंटरनेटवरील निर्बंध हटवण्याची मागणी करणारी जनहित याचिका सर्वोच्च न्यायालयात दाखल झाली आहे. वकिल संप्रीत सिंह अजमानी आणि पुष्पिंदर सिंह यांनी ही याचिका दाखल केली आहे.

News English Summary: One of the agitating farmers on the Haryana-Delhi Tikri border has committed suicide by hanging. Before committing suicide, the farmer had written a suicide note in which he accused the central government. The farmer who committed suicide is said to be a resident of Singhwala in Jind. The farmer who committed suicide was 50-year-old Dariyav Singh. Dariyav has committed suicide by hanging himself from a tree near a bus stand in Tikri with a plastic rope.

News English Title: Agitating farmers on the Haryana Delhi Tikri border has committed suicide news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.