ईडीची मोठी कारवाई | अविनाश भोसलेंचे चिरंजीव अमित भोसलेंना ताब्यात घेतलं

मुंबई, ११ फेब्रुवारी: रिअल इस्टेट किंग अविनाश भोसले यांच्यावर अंमलबजावणी संचलनालय अर्थात ईडीने (ED) धाड टाकून चौकशी सुरु केली आहे. काल दिवसभराच्या चौकशीनंतर ईडीने अविनाश भोसले यांचा मुलगा अमित याला ताब्यात घेतलं आहे. इतकंच नाही तर अमित भोसले यांना अधिक चौकशीसाठी पुण्यावरुन मुंबईला आणल्याचंही सांगण्यात येत आहे. (ED detained Pune builder Avinash Bhosales son Amit Bhosale)

बांधकाम व्यवसायिक अविनाश भोसले यांच्या कार्यालयावर बुधवारी 10 फेब्रुवारीला अंमलबजावणी संचलनालय अर्थात ED ने छापेमारी केली . ED चे अधिकारी सकाळी 8:30 पासून ABIL हाऊसमध्ये झाडाझडतीसाठी दाखल झाले. अविनाश भोसले हे मोठे बांधकाम आणि हॉटेल व्यावसायिक आहेत. परकीय चलन अर्थात फेमासंबंधीच्या प्रकरणात त्यांची ईडीकडून चौकशी होत आहे. हे 6 वर्षांपूर्वीचे विदेशी चलन प्रकरण आहे. याप्रकरणी ईडीने काल दिवसभर चौकशी केली. त्यानंतर रात्री अमित भोसले यांना चौकशीसाठी ताब्यात घेतल्याचं सांगण्यात येत आहे.

तत्पूर्वी राज्याचे सहकार राज्यमंत्री विश्वजित कदम यांची पत्नी स्वप्नाली भोसले यांना ईडीकडून समन्स बजावण्यात आल्याची माहिती समोर आलेली. तसेच 27 नोव्हेंबर 2020 रोजी पुण्यातील बांधकाम व्यावसायिक अविनाश भोसले यांची ईडीकडून चौकशी करण्यात आलेली. स्वप्नाली भोसले या अविनाश भोसले यांची कन्या असून विश्वजीत यांच्या पत्नी आहेत.

News English Summary: Real Estate King Avinash Bhosale has been investigated by the Enforcement Directorate (ED). The ED has arrested Avinash Bhosale’s son Amit after a day-long interrogation yesterday. It is also being said that Amit Bhosale was brought from Pune to Mumbai for further interrogation.

News English Title: ED detained Pune builder Avinash Bhosales son Amit Bhosale news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.