पूजा चव्हाण आत्महत्या प्रकरण | उपमुख्यमंत्र्यांचं महत्वाचं वक्तव्य

पुणे, १२ फेब्रुवारी: पुण्यात एका तरुणीनं आत्महत्या केली आहे. पुजा चव्हाण असं तरुणीचं नाव असून ती स्पोकन इंग्लिश क्लासेससाठी भावासोबत रहात होती. तिनं तिसऱ्या मजल्यावरुन उडी मारून आत्महत्या केली. त्यानंतर ह्या आत्महत्येशी विदर्भातल्या एका मंत्र्याचा संबंध असल्याची चर्चा सुरु झाली आहे. आता तर त्यासाठी भाजपनं रितसर तक्रार दाखल केली आहे.

मूळची परळीची असलेली 22 वर्षाची पुजा चव्हाण पुण्यात शिकण्यासाठी आली होती. तिच्या भावासोबत ती पुण्यातल्या हडपसर भागात रहात होती. रविवारी मध्यरात्री 1 च्या आसपास तिनं सोसायटीच्या तिसऱ्या मजल्यावरुन उडी मारली. हॉस्पिटलमध्ये नेत असतानाच तिचा जीव गेला. महमंदवाडी परिसरातल्या हेवन पार्कमध्ये ही घटना घडली. त्यानंतर दुसऱ्या दिवशी तिच्या आत्महत्येचा आणि विदर्भातल्या एका मंत्र्याचा संबंध असल्याची चर्चा सोशल मीडियावर सुरु झाली. प्रेमसंबंधातूनच पुजानं स्वत:ला संपवल्याचं बोललं जाऊ लागलं. पण पुजाच्या आत्महत्येनंतर कुठलीही चिठ्ठी किंवा इतर मेसेज असलेलं काही सापडलेलं नाही. पोलीसांनीही तशी काही माहिती दिलेली नाही.

दरम्यान, पूजा चव्हाण आत्महत्येप्रकरणी चौकशी होऊ द्या, चौकशीनंतर काय ते समोर येईल, असंही म्हणत अजित पवारांनी भाजपवर हल्लाबोल केलाय. अजित पवार यांनी पत्रकार परिषद घेतली होती, त्यावेळी ते बोलत होते. राज्याचे उपमुख्यमंत्री अजित पवार यांनी पत्रकार परिषदेतून अनेक मुद्यांवर भाष्य केलंय.

News English Summary: Ajit Pawar has attacked BJP saying that let there be an inquiry into Pooja Chavan’s suicide, what will come out after the inquiry. He was speaking at a press conference held by Ajit Pawar. State Deputy Chief Minister Ajit Pawar has commented on many issues from the press conference.

News English Title: Deputy CM Ajit Pawar talked on Pooja Chavan suicide case news updates.