22 वर्षांची विद्यार्थिनी देशासाठी धोका ठरतेय म्हणजे भारताचा पाया नक्कीच डळमळीत झालाय

नवी दिल्ली, १५ फेब्रुवारी: दिल्ली पोलिसांच्या सायबर सेलने शनिवारी बंगळुरुतून 21 वर्षीय क्लायमेट अॅक्टिव्हिस्ट दिशा रवीला अटक केले आहे. फ्रायडे फॉर फ्यूचर कॅम्पेनच्या संस्थापकांपैकी एक असून, तिच्यावर शेतकरी आंदोलनाशी संबंधित एक टुलकिट एडिट केल्याचा आरोप आहे.

शेतकरी आंदोलनाला पाठिंबा देताना स्वीडिश पर्यावरण कार्यकर्ती ग्रेटा थनबर्ग कथित ‘टूलकिट’ ट्विट केलं होतं. या टूलकिट प्रकरणी दिल्ली पोलिसांनी ४ फेब्रुवारी रोजी गुन्हाही दाखल केला होता. गुन्हा दाखल केल्याच्या दहा दिवसानंतर पोलिसांनी बंगळुरूतील दिशा रवी या पर्यावरण कार्यकर्तीला चौकशीसाठी ताब्यात घेतलं. त्यानंतर अटक केली. दरम्यान, अटक करण्यात आल्यानंतर दिल्ली पोलिसांनी दिशाला दिल्लीतील पटियाला हाऊस न्यायालयासमोर हजर केलं. न्यायाधीश देव सरोहा यांच्यासमोर या प्रकरणी सुनावणी झाली. सुनावणीवेळी न्यायालयात बोलताना दिशाचे डोळे भरून आले. यानंतर आता काँग्रेसचे ज्येष्ठ नेते पी. चिदंबरम यांनी दिशा रवीच्या अटकेचा विरोध केला आहे. यावरून सरकारवर जोरदार टीकास्त्र सोडलं आहे. भारत मूर्खपणाची रंगभूमी बनत चालला आहे” अशा शब्दांत निशाणा साधला आहे.

पी. चिदंबरम यांनी आपल्या ट्विटर अकाऊंटवरून याबाबत एक ट्विट केलं आहे. भारताचा पाया नक्कीच डळमळीत झाला असल्याची घणाघाती टीका देखील चिदंबरम यांनी केली आहे. “जर 22 वर्षांची विद्यार्थिनी देशासाठी धोका ठरत असेल तर भारताचा पाया नक्कीच डळमळीत झाला आहे. शेतकऱ्यांच्या पाठिंब्यासाठीचं एक टूलकिट भारतीय हद्दीत घुसखोरी करणाऱ्या चीनी सैनिकांपेक्षाही धोकादायक झालं आहे” असं पी चिदंबरम यांनी आपल्या ट्विटमध्ये म्हटलं आहे. तसेच तरुणांना हुकूमशाही सत्ताधाऱ्यांविरोधात आवाज उठवण्याचे आवाहन देखील त्यांनी केले आहे.

यदि माउंट कार्मेल कॉलेज की 22 वर्षीया छात्रा और जलवायु कार्यकर्ता दिशा रवि देश के लिए खतरा बन गई है, तो भारत बहुत ही कमजोर बुनियाद पर खड़ा है।
चीनी सैनिकों द्वारा भारतीय क्षेत्र में घुसपैठ की तुलना में किसानों के विरोध का समर्थन करने के लिए लाया गया एक टूक किट अधिक खतरनाक है!

— P. Chidambaram (@PChidambaram_IN) February 14, 2021

News English Summary: P. Chidambaram tweeted about it from his Twitter account. Chidambaram has also lashed out at India’s foundation, saying it has certainly been shaken. “If a 22-year-old student is a threat to the country, then India’s foundation is definitely shaken. A toolkit to support farmers has become more dangerous than Chinese troops infiltrating the Indian border,” Chidambaram said in his tweet. He also appealed to the youth to raise their voices against the dictatorial regime.

News English Title: P Chidambaram slams Modi government after arrest of Disha Ravi news updates.