माझ्यासवे लढाया वाघास बोलवा रे | कुत्र्यास फाडण्याचा माझा स्वभाव नाही - आ. मिटकरी

सांगली, १८ फेब्रुवारी: पुण्यश्लोक अहिल्यादेवी होळकर यांच्या पुतळ्याच्या अनावरणावरून चांगलेच राजकारण रंगले आहे. भाजपा आमदार गोपीचंद पडळकर आणि राष्ट्रवादी काँग्रेसचे आमदार अमोल मिटकरी आमनेसामने आले होते. त्यावेळी पडळकर यांनी मिटकरींवर जोरदार निशाणा साधला होता.

‘शिवचरित्र सांगून लाख-लाख रुपये कमावणारा बाजारू,’ अशा शब्दांत पडळकर यांनी मिटकरींवर टीका केली होती. यानंतर आता मिटकरींनी पडळकरांना चोख प्रत्युत्तर दिले आहे. ‘मी शिवचरित्र सांगितलं. फाट्यावर दारू तर विकली नाही ना. एखाद्या वृद्ध महिलेची २ कोटींची जमीन ५ लाखात तर हडप केली नाही ना?, असा संतप्त सवाल मिटकरींनी उपस्थित केला.

मोहनराव शिंदे साखर करखान्याचे अध्यक्ष आणि राष्ट्रवादीचे नेते मनोजबाबा शिंदे यांनी जलसंपदा मंत्री जयंत पाटील यांच्या वाढदिवसानिमित्त आमदार अमोल मिटकरी यांचा शिवचरित्र्य व्याख्यानाचा कार्यक्रम म्हैसाळ येथे आयोजित केला होता. यावेळी मिटकरी यांनी भाजप, केंद्र सरकार आणि पडळकरांवर नाव न घेता जोरदार हल्ला चढवला. माझ्यासवे लढाया वाघास बोलवा रे, कुत्र्यास फाडण्याचा माझा स्वभाव नाही, अशा शब्दांत मिटकरींनी पडळकरांना लक्ष्य केलं. समोर कॅमेरे असल्यानं नाव न घेता बोलतो. तुम्ही गाळलेल्या जागा भरा, असंदेखील ते पुढे म्हणाले.

News English Summary: President of Mohanrao Shinde Sugar Factory and NCP leader Manoj Baba Shinde had organized a Shivcharitra lecture by MLA Amol Mitkari on the occasion of Water Resources Minister Jayant Patil’s birthday at Mahisal. This time, Mitkari launched a scathing attack on the BJP, the central government and Gopichand Padalkar without naming them. Call me a fighting tiger, it’s not my nature to tear a dog. He speaks without a name as there are cameras in front. You fill in the blanks, he added.

News English Title: NCP MLA Amol Mitkari slams BJP MLA Gopichand Padalkar news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.