शिवसेना आ. वैभव नाईकांच्या कार्यपद्धतीला कंटाळून उपजिल्हा प्रमुख अभय शिरसाट काँग्रेसमध्ये

मुंबई, १८ फेब्रुवारी: शिवसेनेतील पक्षांतर्गत वादाला कंटाळलेले उपजिल्हा प्रमुख अभय शिरसाट यांनी अखेर काँग्रेसमध्ये प्रवेश केला आहे. मुंबईत बुधवारी प्रदेशाध्यक्ष नाना पटोले, माजी मुख्यमंत्री पृथ्वीराज चव्हाण, माणिकराव जगताप यांच्या उपस्थितीत अभय शिरसाट यांच्या पक्षप्रवेशाचा सोहळा पार पडला. त्यांच्या जाण्याने आगामी काळात कुडाळमध्ये शिवसेनेला खिंडार पडण्याची शक्यता आहे. शिवसेनेचे कुडाळ-मालवणचे आमदार वैभव नाईक यांच्या कार्यपद्धतीला कंटाळून अभय शिरसाट यांनी काँग्रेसमध्ये प्रवेश केल्याचे सांगितले जाते.

मागील वर्षी नोव्हेंबर महिन्यातच अभय शिरसाट यांनी तत्कालीन काँग्रेस प्रदेशाध्यक्ष बाळासाहेब थोरात, खासदार राजीव सातव आणि अशोक चव्हाण यांची भेट घेतली होती. तेव्हापासूनच अभय शिरसाट काँग्रेसमध्ये जाणार असल्याच्या चर्चा रंगल्या होत्या. अखेर त्यांनी शिवसेनेला रामराम ठोकत काँग्रेसचा झेंडा हाती धरला आहे.

तत्पूर्वी भाजपच्या ७ नगरसेवकांनी शिवसेनेत जाहीर प्रवेश केला होता. मागील 5 वर्षांपासून नितेश राणे यांच्या कार्यपद्धतीला आम्ही कंटाळलो होतो. त्यामुळे आम्ही शिवसेनेत प्रवेश करणार आहे. गेल्या 5 वर्षांत नितेश राणेंनी काही आश्वासनं दिली होती. ती पूर्ण केली नाही. तसेच त्यांची कार्यपद्धती चुकीची होती. नगरपरिषद ही पहिल्यांदा झाली होती. पण तिचा विकास नितेश राणे करू शकले नाही, अशी टीकाही शिवसेनेत प्रवेश करणाऱ्या नगरसेवकांनी केली होती.

News English Summary: Sub-district chief Abhay Shirsat, fed up with the Shiv Sena’s infighting, has finally joined the Congress. Abhay Shirsat’s inauguration ceremony was held in Mumbai on Wednesday in the presence of state president Nana Patole, former chief minister Prithviraj Chavan and Manikrao Jagtap. With his departure, Shiv Sena is likely to face a rift in Kudal in the near future. It is said that Abhay Shirsat joined the Congress after getting fed up with the working style of Shiv Sena’s Kudal-Malvan MLA Vaibhav Naik.

News English Title: Big setback for Shivsena in Konkan Kudal Abhay Shirsat joins congress news updates.