भाजपच्या नेत्यांना 'खामोश' करणारे शत्रुघ्न सिन्हा काँग्रेसच्या वाटेवर?

नवी दिल्ली : भाजपचे विद्यमान खासदार शत्रुघ्न सिन्हा सध्या भाजपवर प्रचंड नाराज असून ते आगामी निवडणूक काँग्रेसच्या तिकिटावर लढविणार असल्याची बातमी असून ते आता भाजपला उघड विरोध करण्याच्या तयारीत असल्याचे समजते.

काँग्रेसमधून लोकसभेचे तिकीट मिळावे म्हणून त्यांच्या काँग्रेसच्या वरिष्ठ नेत्यांसोबत बैठका सुरु असल्याचे समजते. त्यांनी ईशान्य दिल्लीतून भाजपाचे मनोज तिवारी यांच्या विरोधात उभं राहण्याची योजना आखली आहे आणि त्यासाठी ते काँग्रेसच्या संपर्कात आहेत. भाजपचे खासदार असून सुद्धा त्यांनी अनेकदा खुद्द नरेंद्र मोदींना उघड विरोध केला आहे. त्यामुळे भाजपमध्ये सुद्धा वेगळं पाडण्यात आलं होत.

शत्रुघ्न सिन्हा यांनी अनेकदा विविध व्यासपीठांवरुन मोदी सरकारच्या धोरणांवर टीका केली आहे. शत्रुघ्न सिन्हा हे बिहारच्या पाटना साहिब मतदारसंघाचे विद्यमान खासदार आहेत. सध्या काँग्रेसमधून उघडपणे त्यांच्या उमेदवारी बद्दल कोणी बोलत नसल तरी पडद्यामागून सर्व हालचाली सुरु झाल्याचे समजते.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.