लस घेऊनही जिल्हाधिकारी कोरोना पॉझिटिव्ह | तर लस घेतलेल्या पोलीसाचा कोरोनाने मृत्यू

औरंगाबाद, २१ फेब्रुवारी: मागील काही दिवसांपासून राज्यात कोरोनाच्या प्रादुर्भावाचं प्रमाण वाढत आहे. राज्यातील काही जिल्ह्यांमध्ये लॉकडाऊनही करण्यात आलाय. विशेष म्हणजे वाढत्या कोरोनाच्या प्रादुर्भावाच्या पार्श्वभूमीवर लसीकरणाच्या मोहिमेलाही वेग आलाय. फ्रंटलाईन वर्कर आणि वैद्यकीय कर्मचारी, तसेच पोलीस कर्मचाऱ्यांना कोरोनाची लस दिली जात आहे.

मागील पाच-सहा दिवसांपासून जिल्ह्यात काेराेना बाधितांच्या संख्ये वाढ हाेत असतानाच आता उस्मानाबादचे जिल्हाधिकारी काैस्तुभ दिवेगावकर हेही काेराेना पाॅझिटिव्ह आले आहेत. विशेष म्हणजे, त्यांनी काेराेना लसीचा पहिला डाेस घेऊनही संसर्ग झाला असल्याने अनेक प्रश्न उपस्थित हाेत आहेत. त्यामुळे आता सर्वांनीच शासन तसेच प्रशासनाकडून करण्यात येत असलेल्या सूचनांचे तंताेतंत पालन करण्याची गरज निर्माण झाली आहे.

जिल्हा रूग्णालयात प्राथमिक उपचार घेऊन ते सध्या घरामध्येच विलगीकरणात आहेत. तिथूनच ते कार्यालयीन काम करीत आहेत. विशेष म्हणजे, त्यांनी काेराेना लसीचा पहिला डाेस घेतल्यानंतरही लागण झाल्याने अनेक प्रश्न उपस्थित हाेत आहेत. त्यामुळे नागरिकांनी अकारण घराबाहेर न पडता प्रशासनाने केलेल्या नियमांचे पालन करावे. थाेडीबहुत लक्षणे आढळून आली तरी ती अंगावर न काढता तातडीने चाचणी करावी, असे आवाहन जिल्हाधिकारी दिवेगावकर यांनी केले आहे. दरम्यान, जिल्हाधिकारी दिवेगाकवर यांच्या पत्नी प्रियंका बाेकील यांनाही काेराेनाचा संसर्ग झाला आहे.

दुसरीकडे औरंगाबादेत कोरोनाची लस घेतलेल्या पोलीस कर्मचाऱ्याचा मृत्यू झाल्यानं खळबळ उडालीय. औरंगाबादेतील एका पोलिसांनं आठ दिवसांपूर्वी कोरोनाची लस घेतली होती. कर्तव्यावर असताना श्वास घेण्यास त्या पोलिसाला अडचण येत असल्याने उपचारासाठी रुग्णालयात दाखल केले होते, अखेर उपचारादरम्यान त्या पोलीस हवालदाराचा मृत्यू झालाय. भास्कर शंकर मेटे हे पोलीस हवालदार बेगमपुरा पोलीस ठाण्यात कार्यरत होते.

कर्तव्यावर असताना श्वास घेण्यास अडचण येत असल्याने उपचारासाठी रुग्णालयात दाखल केले होते. सिटी स्कॅनमध्ये कोरोनाची लक्षणेही आढळली होती. आता हर्सूल पोलीस ठाण्यात आकस्मिक मृत्यूची नोंद करण्यात आलीय. 13 फेब्रुवारीला कोरोना लसीचा पहिला डोस त्या पोलीस हवालदारानं घेतला होता, अखेर त्या पोलिसाचा मृत्यू झालाय.

News English Summary: While the number of cases of caries in the district has been on the rise for the last five-six days, now Osmanabad District Collector Kaistubh Divegavkar has also tested positive for caries. Notably, many questions are present as they became infected even after taking the first dose of the carina vaccine. Therefore, now there is a need for all to strictly follow the instructions being given by the government as well as the administration.

News English Title: Collector Kaustubh Diwegaonkar Covid positive even after vaccination news updates.