नाशिक स्थायी समिती निवडणूक | मनसे किंगमेकरच्या भमिकेत

नाशिक, २४ फेब्रुवारी: नाशिक महापालिकेत स्थायी समितीच्या सर्वच 16 सदस्यांची नव्याने नियुक्ती करण्यात येणार आहे. हायकोर्टाच्या आदेशाची महापौरांकडून अंमलबजावणी करण्यात येणार आहे. स्थायी समितीची निवडणूक रंगतदार होणार असून महाराष्ट्र नवनिर्माण सेना किंगमेकरच्या भूमिकेत असणार आहे.

तौलनिक संख्याबळाच्या आधारे नाशिकच्या महापौरांनी स्थायी समितीचे सदस्य जाहीर केले. नाशिक महापालिकेत स्थायी समितीवर भारतीय जनता पक्षाचे 8, शिवसेनेचे 5, काँग्रेसचा 1, राष्ट्रवादीचा 1, तर महाराष्ट्र नवनिर्माण सेनेचा 1 सदस्य असेल. महाविकास आघाडी विरुद्ध भारतीय जनता पक्ष सामना होणार असल्यामुळे महाराष्ट्र नवनिर्माण सेनेच्या स्थायी निवडणुकीत किंगमेकर ठरणार आहे.

तौलनिक संख्याबळानुसार स्थायी समिती सदस्य नियुक्ती करण्याच्या निर्णयाविरोधात शिवसेनेने हायकोर्टात तक्रार केली होती. हायकोर्टाने दिलेल्या आदेशानुसार तौलनिक संख्याबळानुसार शिवसेनेला एक जागा वाढवून देण्यात आली. यामुळे शिवसेनेची सदस्य संख्या एकाने वाढली आहे. सत्ताधारी भारतीय जनता पक्षाला हायकोर्टाच्या निर्णयाचा मोठा धक्का बसला, तर शिवसेनेला एका जागेची लॉटरी लागली.

नाशिक महापालिकेत भारतीय जनता पक्षाचे सर्वाधिक नगरसेवक आहेत. मात्र नाशिक रोड प्रभागाच्या पोटनिवडणुकीत भारतीय जनता पक्षाचा पराभव झाला होता. त्याशिवाय फुलेनगरच्या नगरसेविका शांताबाई हिरे यांच्या निधनामुळे भारतीय जनता पक्षाचं संख्याबळही घटलं होतं.

News English Summary: All the 16 members of the standing committee will be newly appointed in Nashik Municipal Corporation. The order of the High Court will be implemented by the mayor. The election of the Standing Committee MNS will be in the role of Kingmaker.

News English Title: Nashik Standing Committee election MNS will be in the role of Kingmaker news updates.