आता सातबारा उताऱ्यावर पतीसोबत पत्नीचेही नाव असणार | राज्य सरकारचा निर्णय

मुंबई, २५ फेब्रुवारी: जागतिक महिला दिनाच्या पार्श्वभूमीवर महिला सक्षमी करणासाठी राज्य सरकारने मोठी घोषणा केली आहे. आता सात बारा उताऱ्यावर पती आणि पत्नी दोघांचे नाव असणार आहे आणि संपत्तीवर सुद्धा पतीसोबतच पत्नीचंही नाव असणार आहे.

8 मार्च हा दिवस जागतिक महिला दिन म्हणून देशात मोठ्या उत्साहात साजरा केला जातो. या दिवशी महिलांच्या कार्याचे कौतुक करून त्यांचा सन्मान केला जातो. शेत दोघांचे योजनेअंतर्गत पतीपत्नीचे नाव सातबाऱ्यावर आणि घर दोघांचे योजनअंतर्गत ८अ वर सुध्दा पतीपत्नीचे नाव लावण्यात येईल.

राज्याचे ग्रामविकास मंत्री हसन मुश्रीफ यांनी ही महत्वाची घोषणा केली आहे. राज्यातील महिला बचतगटांनी बनवलेल्या वस्तूंची विक्री करता यावी यासाठी सहकारी तसेच खाजगी मॉलमध्ये विक्रीच्या संधी उपलब्ध करून देण्यात येणार आहे. महिला आत्मसन्मान योजनेत महिलांना सक्षम करण्यात येणार आहे. महिलांना कौशल्यावर आधारित प्रशिक्षण देऊन त्यांना नोकरीच्या संधी उपलब्ध करून देणार आहेत.

महिलांना योग्य आहाराबाबत मार्गदर्शन केले जाणार आहे. महिला अत्याचाराच्या घटना दिवसेंदिवस वाढत चालल्या आहेत. त्याला आळा घालण्यासाठी महिलांसाठी काय कायदे आहेत. त्याची माहिती महिलांना होण्यासाठी मार्गदर्शन करण्यात येणार आहे.

News English Summary: On the backdrop of International Women’s Day, the state government has made a big announcement for women empowerment. Now the husband and wife will have their names on the saat Baara Utara and the wife’s name will also be on the property along with the husband.

News English Title: Husband and wife will have their names on the Saat Baara Utara news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.