नीरव मोदीच्या भारत प्रत्यार्पणाचा मार्ग मोकळा | ब्रिटन न्यायालयाचा मोठा निर्णय

लंडन, २५ फेब्रुवारी: पंजाब नॅशनल बँकेतील 14,000 कोटी रुपयांच्या घोटाळ्यातील फरार हिरा व्यावसायिक नीरव मोदीच्या भारतात प्रत्यार्पणासाठी लंडनच्या वेस्टमिन्स्टर दंडाधिकारी न्यायालयाने गुरुवारी मान्यता दिली. नीरव मोदीविरोधात भारतात एक खटला चालू आहे, ज्याचे उत्तर त्याला द्यावे लागेल, असंही लंडनच्या वेस्टमिन्स्टर न्यायदंडाधिकाऱ्यांनी सांगितलं. नीरव मोदी याच्यावर पुरावे नष्ट करण्यासाठी आणि साक्षीदारांना धमकावण्याचा कट रचणे, असे गंभीर स्वरूपाचे आरोप आहेत.

नीरव मोदी व अन्य कारस्थानकर्ते यांच्यात संबंध होते, असे वेस्टमिनिस्टर कोर्टाचे न्यायाधीश सॅम्युल गुझी यांनी म्हटले आहे. यात पीएनबी बँकेचे अधिकारीही आहेत. “नीरव मोदी कायद्याने व्यवसाय करत होता, हे मी मान्य करणार नाही. मला एकही प्रामाणिकपणाचा व्यवहार दिसलेला नाही. या प्रक्रियेत काहीतरी घोटाळा आहे” असे न्यायाधीशांनी म्हटले आहे.

न्यायाधीश सॅम्युएल गोजी यांनी सांगितले की, नीरव मोदीला भारतामध्ये अनेक प्रश्नांची उत्तरे द्यावी लागतील हे स्पष्ट आहे. दुसरीकडे नीरव मोदीने आपल्या बचावामध्ये दिलेले पुरावे परस्परांशी जुळत नाहीत. तसेच नीरव मोदीचे प्रत्यार्पण केल्यास त्याच्यासोबत न्याय होणार नाही याचा कुठलाही पुरावा दिसत नाही, असेही न्यायाधीशांनी स्पष्ट केले.

UK extradition judge orders Nirav Modi to be extradited to India to stand trial pic.twitter.com/vsvy4wMqqk

— ANI (@ANI) February 25, 2021

News English Summary: London’s Westminster Magistrate’s Court on Thursday approved the extradition of fugitive diamond trader Nirav Modi to India in a Rs 14,000 crore scam involving Punjab National Bank. A lawsuit is pending against Nirav Modi in India, for which he will have to answer, said a Westminster magistrate in London. There are serious allegations against Nirav Modi for destroying evidence and conspiring to intimidate witnesses.

News English Title: Nirav Modi will be extradited to India rules United Kingdom court news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.