मुंबई महापालिका म्हणजे यशवंत जाधव प्रा. लि. कंपनी आहे काय? - आ. आशिष शेलार

मुंबई, २७ फेब्रुवारी: महाविकासआघाडीची सत्ता आल्यापासून जुने मित्रपक्ष असलेल्या शिवसेना आणि भारतीय जनता पक्षामध्ये सातत्याने एकमेकांवर कुरघोडी करण्याचा प्रयत्न सुरु असतो. शिवसेनेने काँग्रेस-राष्ट्रवादीसोबत घरोबा केल्यानंतर आता भाजपनेही मुंबई महानगरपालिकेच्या आगामी निवडणुकीत सेनेचं नाक कापण्यासाठी तयारी सुरु केली आहे. त्यासाठी भारतीय जनता पक्षाने आतापासून मोर्चेबांधणीला सुरुवात केली आहे. तर दुसरीकडे पालिकेतील सत्ताधारी शिवसेनाही प्रशासकीय डावपेच खेळून भारतीय जनता पक्षाची कोंडी करताना दिसत आहे.

मुंबई महानगरपालिकेच्या निवडणुकीला आता जेमतेम वर्षभराचा अवधी उरला आहे. अशावेळी नगरसेवकांकडून पाच वर्षातील बॅकलॉग भरून काढण्यासाठी आपापल्या प्रभागात नवे प्रकल्प हाती घेतले जातात. साहजिकच त्यासाठी निधीची गरज लागते. मात्र, शिवसेनेने निधीवाटपात भारतीय जनता पक्षाच्या नगरसेवकांची चांगलीच कोंडी केली आहे.

भारतीय जनता पक्षाचे आमदार आशिष शेलार यांनीही विकास निधी वाटपावरून सवाल उपस्थित करत शिवसेनेवर निशाणा साधला आहे. “६५० कोटी विकास निधीपैकी शिवसेनेच्या ९७ नगरसेवकांना २३० कोटी, भारतीय जनता पक्षाच्या ८३ नगरसेवकांना ६० कोटी, काँग्रेसच्या २९ नगरसेवकांना ८१ कोटी आणि हो स्थायी समिती अध्यक्षांना एकट्याला ३० कोटी… मुंबई महापालिका म्हणजे यशवंत जाधव प्रा. लि. कंपनी आहे काय? हा दुजाभाव मुंबईकरांसोबत करताय लक्षात असू द्या!,” अशा शब्दात शेलार यांनी शिवसेनेला सुनावलं आहे.

650 कोटी विकास निधीपैकी
◆शिवसेना 97 नगरसेवकांना 230 कोटी
◆भाजप 83 नगरसेवक 60 कोटी
◆ काँग्रेस 29 नगरसेवक 81 कोटी
◆आणि हो स्थायी समिती अध्यक्षांना एकट्याला 30 कोटी
मुंबई महापालिका म्हणजे यशवंत जाधव प्रा. ली. कंपनी आहे काय?
हा दुजाभाव मुंबईकरांसोबत करताय लक्षात असू द्या!

— Adv. Ashish Shelar – ॲड. आशिष शेलार (@ShelarAshish) February 27, 2021

News English Summary: The Mumbai Municipal Corporation elections are now a year away. In such cases, new projects are undertaken by the corporators in their respective wards to fill the five-year backlog. Naturally, this requires funding. However, the Shiv Sena has done a good job of allocating funds to the BJP corporators. Bharatiya Janata Party MLA Ashish Shelar has also targeted the Shiv Sena, questioning the allocation of development funds.

News English Title: BMC corporators funding BJP MLA Ashish Shelar angry on Shivsena news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.