बॉलिवूडकरांवर आयकर विभागाच्या धाडी | अनेक मोदी विरोधक कलाकार रडारवर?

मुंबई, ०३ मार्च: आयकर विभागाने मुंबईत अनेक बॉलिवूडकरांवर धाडी टाकल्या आहेत. यामध्ये अभिनेत्री तापसी पन्नू, दिग्दर्शक- निर्माता अनुराग कश्यप आणि ‘क्वीन’चा निर्माता विकास बहलच्या घरी इनकम टॅक्स विभागाने धाड टाकली आहे. मुंबईत अनेक ठिकाणी हे धाडसत्र सुरु आहे. अचानक पडलेल्या या धाडीने बॉलिवूडमध्ये खळबळ उडाली आहे. विशेष म्हणजे मोदी आणि मोदी समर्थकांचे विरोधक असणारे कलाकार यामध्ये अधिक असल्याची चर्चा समाज माध्यमांवर सुरु झाली आहे.

अनुराग, तापसी, विकास बेहेल, मधू मंटेना यांच्यासह अनेक बड्या कलाकारांची मालमत्तांवर प्राप्तिकर विभागानं छापे टाकले आहेत. फँटम फिल्म्सनं केलेल्या करचोरी प्रकरणात छापेमारी सुरू असल्याची माहिती सुत्रांनी दिली आहे. अनुराग, विकास आणि मधू फँटम फिल्म्सचे संस्थापक आहेत. फँटमची मालकी अनुरागकडे आहे. मुंबई आणि पुण्यात २२ ठिकाणांवर सध्याच्या घडीला प्राप्तिकर विभागाचं धाडसत्र सुरू आहे.

Income Tax raids underway at the properties of film director Anurag Kashyap and actor Taapsee Pannu in Mumbai: Income Tax Department

— ANI (@ANI) March 3, 2021

आयकर विभागाने बुधवारी दुपारी अनुराग कश्यप आणि तापसी पन्नूच्या मालमत्तांवर छापे मारले. ‘फँटम फिल्म’शी संबंधित लोकांच्या घरांवर या धाडी टाकण्यात आल्या आहेत. त्याचबरोबर मधू मंटेना यांची कंपनी ‘क्वान’ यांच्या कार्यालयावरही छापे मारण्यात आले. कर चुकवल्याच्या आरोपाखाली हे छापे टाकण्यात आले असून, मुंबईतील तब्बल २२ ठिकाणांची झाडाझडती आयकर विभागाकडून घेतली जात आहे.

News English Summary: The income tax department has raided several Bollywood stars in Mumbai. The Income Tax department has raided the homes of actress Tapsi Pannu, director-producer Anurag Kashyap and Vikas Bahl, producer of ‘Queen’. The campaign is underway in many places in Mumbai. The sudden fall has caused a stir in Bollywood. What is special is that the discussion has started on social media that there are more artists who are opposed to Modi and his supporters.

News English Title: Income Tax raided on Bollywood film directors Anurag Kashyap and actress Taapsee Pannu home news updates.