वाशीम | RT-PCR'च्या 110 नमुन्यांत आढळली बुरशी | पुन्हा कोरोनाची चाचणी होणार

मुंबई, ०४ मार्च: काल दिवसभरात राज्यात ९ हजार ८५५ नवीन करोनाबाधित वाढले असुन, ४२ रुग्णांचा मृत्यू झाल्याची नोंद झाली आहे. सध्या राज्यातील मृत्यूदर २.४० टक्के एवढा आहे. तर, काल ६ हजार ५५९ रुग्ण बरे होऊन घरी देखील परतले आहेत. राज्यात आजपर्यंत एकूण २०,४३,३४९ करोनाबाधित रुग्ण बरे होऊन घरी गेले आहेत. यामुळे राज्यातील रुग्ण बरे होण्याचे प्रमाण (रिकव्हरी रेट) ९३.७७ टक्के एवढे झाले आहे.

दरम्यान, वाशीम जिल्ह्यात मालेगाव तालुक्यातील जऊळका आणि शिरपूर येथील प्राथमिक आरोग्य केंद्रामध्ये आरटी-पीसीआरच्या चाचणीसाठी घेण्यात आलेले घशातील स्रावाचे नमुने जास्त दिवस उघड्यावरच पडून असल्याने ११० नमुन्यांमध्ये बुरशी तयार झाल्याचा प्रकार १ मार्च रोजी उघड झाला आहे. वाशीम येथील प्रयोगशाळेने बुरशी आलेले हे ११० नमुने परत केले. नागरिकांना आता पुन्हा चाचणी करावी लागणार आहे. (The laboratory in Washim returned 110 corona test samples of fungus)

एखाद्या व्यक्तीला कोरोनाचा संसर्ग झाला की नाही याचे निदान करण्यासाठी ‘आरटी-पीसीआर’ चाचणी केली जाते. ही चाचणी करण्यासाठी संदिग्ध रुग्णाच्या घशातील स्रावाचा नमुना घेतला जातो. स्रावाचे नमुने घेण्यासाठी आता प्रत्येक प्राथमिक आरोग्य केंद्रामध्ये सुविधा करण्यात आली आहे. दरम्यान, कोरोना चाचणीमध्ये हलगर्जीपणा करणाऱ्या कर्मचाऱ्यांवर कारवाई होणार का, असा प्रश्न निर्माण झाला असून याबाबत तालुका आरोग्य अधिकारी डॉ. संतोष बोरसे यांच्याशी प्रसार माध्यमांनी संपर्क साधला, पण संपर्क होऊ शकला नाही.

News English Summary: As the RT-PCR test samples taken at the primary health centers at Jaulka and Shirpur in Malegaon taluka of Washim district were left in the open for more days, it was revealed on March 1 that fungus had formed in 110 samples. The laboratory in Washim returned 110 samples of mold. Citizens will now have to re-test.

News English Title: The laboratory in Washim returned 110 corona test samples of fungus news updates.