ममता बॅनर्जींनी बंगालच्या जनतेचा विश्वासघात केला | त्यांचे स्वप्न भंग केले - नरेंद्र मोदी

कोलकत्ता, ०७ मार्च: पंतप्रधान नरेंद्र मोदी रविवारी पश्चिम बंगालमध्ये पोहोचले. ते कोलकाताच्या ब्रिगेड ग्राउंडमध्ये एका मेगा रॅलीला संबोधित करत आहेत. ते म्हणाले की, ‘गेल्या दशकांमद्ये ब्रिगेड ग्राउंडमध्ये अनेक वेळा नारा देण्यात आला आहे की, ब्रिगेड चलो. या ग्राउंडने अनेक देशभक्त पाहिले आहेत. हे ग्राउंड बंगालच्या विकासामध्ये अडथळा आणणाऱ्यांचाही साक्षीदार आहे. बंगालच्या भूमीला 24 तास उपोषण आणि आंदोलनांमध्ये ठेवणाऱ्यांची धोरणे व षड्यंत्रही या ग्राउंडने पाहिले आहेत’. (PM Narendra Modi calls for ashol poriborton attacking Mamata govt At Kolkata rally)

सभेला संबोधित करताना पुढे नरेंद्र मोदी म्हणाले की, ‘या लोकांनी बंगालच्या महान भूमीची जी अवस्था केली आहे, ती पिढ्यान पिढ्या बंगालच्या लोकांनी सहन केली आहे. ही बंगालच्या लोकांची महानता आहे, इच्छाशक्ती आहे की, त्यांनी बंगालमध्ये विकासाची आशा अजुन सोडलेली नाही. विकासासाठी ममता दीदींवर त्यांनी विश्वास ठेवला होता, परंतु दीदींनी जनतेचा विश्वासघात केला आहे, जनतेच्या स्वप्नांना मोडले आहे.’

पश्चिम बंगालने परिवर्तनासाठी ममता दीदींवर विश्वास टाकला होता. परंतु, दीदी आणि त्यांच्या कार्यकर्त्यांनी बंगालचा विश्वासघात केला. या लोकांनी बंगालला अपमानित केलं. इथल्या बहिणी आणि मुलींवर अत्याचार केले. यावेळच्या विधानसभा निवडणुकीत एका बाजूला तृणमूल काँग्रेस, डावे आणि काँग्रेस, त्यांचा बंगाल विरोधी वागणूक आहे. तर दुसऱ्या बाजूला बंगालची जनता पाय रोवून उभी आहे. ब्रिगेड मैदानावरील जनतेचा आवाज ऐकल्यानंतर कुणालाही शंका राहणार नाही,” असं देखील पंतप्रधान नरेंद्र मोदी म्हणाले.

News English Summary: Prime Minister Narendra Modi arrived in West Bengal on Sunday. He is addressing a mega rally at the Brigade Ground in Kolkata. He said, ‘In the last decades, the slogan has been given many times in the Brigade Ground,‘ Let the Brigade go. This ground has seen many patriots. This ground is also witness to those who are hindering the development of Bengal. The ground has also seen the policies and conspiracies of those who kept the land of Bengal in a 24-hour hunger strike and agitation.

News English Title: PM Narendra Modi calls for ashol poriborton attacking Mamata govt At Kolkata rally news updates.