आसाम वगळता इतर राज्यात भाजपचा पराभव होईल - शरद पवार

बारामती, १४ मार्च: पश्चिम बंगालसह पाच राज्यांच्या आगामी विधानसभा निवडणुकीत भारतीय जनता पक्षाचा पराभव होईल. केवळ आसाममध्ये भारतीय जनता पक्षाची सत्ता राहील, असे भाकीत राष्ट्रवादी काँग्रेसचे सर्वेसर्वा शरद पवार यांनी वर्तविले आहे. (BJP will lose the forthcoming Assembly elections in five states)

ते रविवारी बारामतीमध्ये आयोजित करण्यात आलेल्या पत्रकारपरिषदेत बोलत होते. यावेळी त्यांनी पाच राज्यांमधील राजकीय परिस्थितीवर भाष्य केले. आसाम वगळता इतर राज्यात भारतीय जनता पक्षाचा पराभव होईल हा ट्रेंड असून हा पाच राज्याचा ट्रेंड देशाला दिशा देणारा ठरेल, असा दावा शरद पवार यांनी केला.

आसाममध्ये भारतीय जनता पक्षाचे राज्य आहे. त्यामुळे आसामध्ये इतर राजकीय पक्षांपेक्षा भारतीय जनता पक्षाची स्थिती चांगली आहे. त्यामुळे भारतीय जनता पक्षाला यश मिळेल. पाच राज्यांमधील निवडणुकांचे निकाल हे देशाला नवी दिशा देणारे ठरतील असेही पवार म्हणाले.

News English Summary: The Bharatiya Janata Party will lose the forthcoming Assembly elections in five states, including West Bengal. NCP’s Sarvesarva Sharad Pawar has predicted that only Bharatiya Janata Party will remain in power in Assam.

News English Title: BJP will lose the forthcoming Assembly elections in five states news updates.