NIA ने तपास जरूर करावा | माध्यमांमध्ये बातम्या सोडू नयेत | नाहीतर सर्वांसमोर येऊन बोलावे

मुंबई, १६ मार्च: मुकेश अंबानी यांच्या घराबाहेर स्कॉर्पिओ कारमध्ये जिलेटिनच्या कांड्या सापडल्यानंतर या प्रकरणाचा तपास सुरू झाला. परंतु, कारचा मालक मनसुख हिरेन याच्या संशयास्पद मृत्यूनंतर हे प्रकरण अधिकच चिघळलं आणि आता एनआयए आणि एटीएस अशा दोन संस्था मिळून या प्रकरणाचा तपास करत आहेत.

दरम्यान, मुकेश अंबानी यांच्या घराबाहेर सापडलेली स्फोटके आणि सचिन वाझे यांच्या चौकशीबाबत संपूर्ण तपास झाल्यावर तसचे निष्कर्षाप्रत पोहोचल्यानंतरच एनआयएने यासंदर्भात बोलावे, असे जयंत पाटील यांनी म्हटले आहे. प्रसार माध्यमांशी बोलताना जयंत पाटील यांनी या प्रकरणात त्यांची भूमिका मांडली.

NIA ने प्रथम संपूर्ण तपास पूर्ण करावा. या प्रकरणाचा संपूर्ण छडा लागल्यानंतर अधिकृतपणे सर्वांसमोर येऊन बोलावे. या सगळ्यामुळे तपास प्रक्रियेविषयी काहीच माहिती नसलेल्या समाजातील लोकांपर्यंत चुकीचा संदेश जात आहे. केंद्रीय यंत्रणांनी तपास जरुर करावा. परंतु, प्रसारमाध्यमांमध्ये बातम्या सोडू नयेत, असे जयंत पाटील म्हणाले.

News English Summary: Meanwhile, Jayant Patil has said that the NIA should take up the matter only after a thorough investigation into the explosives found outside Mukesh Ambani’s house and Sachin Vaze’s investigation. Speaking to media, Jayant Patil presented his role in this case.

News English Title: Minister Jayant Patil talked on NIA investigation news updates.