मुख्यमंत्रीच सचिन वाझेचे गॉडफादर, आधी मुख्यमंत्र्यांनी राजीनामा द्यावा - नारायण राणे

नवी दिल्ली, १९ मार्च: सध्या राज्यात सचिव वाझे प्रकरणाची जोरदार चर्चा सुरू आहे. या प्रकरणावरुन विरोध सत्ताधाऱ्यांवर निशाणा साधत आहेत. या प्रकरणामुळेच मुंबईचे पोलिस आयुक्त परमबीर सिंह यांची उचलबांगडी करण्यात आली.

आता यावरुन भारतीय जनता पक्षाचे खासदार नारायण राणे यांनी थेट मुख्यमंत्री उद्धव ठाकरे यांच्यावर निशाणा साधला आहे. ‘उद्धव ठाकरे सचिन वाझेंचे गॉडफादर आहेत. या सर्व प्रकरणाला मुख्यमंत्रीच जबाबदार आहेत. त्यांना एक दिवसही खुर्चीवर राहण्याचा अधिकार नाही’, अशी टीका नारायण राणे यांनी केली आहे.

खासदार नारायण राणे यांनी संसद भवनात प्रसार माध्यमांशी संवाद साधला. यावेळी ते म्हणाले की, सचिन वाझे आधी निलंबित होते. उद्धव ठाकरेंनी मुख्यमंत्री झाल्यावर त्यांना डिपार्टमेंटमध्ये परत घेतले. परत घेतल्यानंतर थेट त्यांच्याकडे क्राईम इंटेलिजन्स यूनिटची जबाबदारीही दिली. केवळ मुख्यमंत्र्यांमुळेच वाझे पोलीस दलात परत आले. यावरून मुख्यमंत्री हेच वाझेंचे गॉडफादर असल्याचे दिसून येते, त्यामुळे गृहमंत्री अनिल देशमुखांच्या आधी मुख्यमंत्र्यांनीच राजीनामा द्यावा, असे नारायण राणे म्हणाले.

News English Summary: It was because of the Chief Minister that Vaze returned to the police force. This shows that the Chief Minister is the Godfather of Vaze, so the Chief Minister should resign before Home Minister Anil Deshmukh, said Narayan Rane.

News English Title: CM Uddhav Thackeray is the Godfather of Sachin Vaze so he neeed resign said MP Narayan Rane news updates.