मोदींच्या राजवटीत उज्ज्वला याेजनेतील गॅसही परवडेना | मार्केटिंग फोटोतील महिला पुन्हा चुलीकडे

औरंगाबाद, २० मार्च: मार्केटिंगच्या हेतूने आखण्यात येणाऱ्या योजनांमागील वास्तव आता समोर येतं आहे. मोदी सरकार अनेक योजना केवळ मार्केटींगचा हेतूने आखल्या गेल्याच यापूर्वी देखील पाहायला मिळालं आहे. त्यात मोदींच्या ‘चाय पे चर्चा’ आणि ‘मन की बात’ मधील चर्चेचा विषय म्हणजे उज्ज्वला गॅस योजना हे अनेकदा पाहायला मिळालं आहे.

परंतु याच योजेतील लाभार्थी मोदी सरकारच्या महागाईला इतके कंटाळले आहेत की त्यांनी उज्ज्वला गॅस योजने अंतर्गत मिळालेले गॅस बाजूला करून चूल पेटवणं अधिक सोयीचं आणि परवडणारं असल्याचं म्हटलं आहे. सरकारही महागाईकडे गांभीर्याने पाहात नसल्याने या योजनेतील गॅसचा काहीच फायदा नसून उलट न परवडणारं असल्याचं म्हटलं आहे.

पंतप्रधान मोदींच्या हस्ते अजिंठ्याच्या शेख आयेशा शेख रफिक यांना ७ सप्टेंबर २०१९ रोजी उज्ज्वला कनेक्शन याेजनेंतर्गत आठ कोटीवे गॅस कनेक्शन देण्यात आले हाेते. परंतु, आजपर्यंत नगण्य सबसिडी आणि सिलिंडरचे भाव गगनाला भिडल्याने आयेशा यांच्यावर पुन्हा चूल मांडण्याशिवाय दुसरा पर्याय नसल्याचं म्हटलं आहे. त्या वेळी गॅस मोफत आणि तो देखील पंतप्रधान नरेंद्र मोदींच्या हस्ते मिळाल्याने आयेशा शेख यांचा आनंद गगनात मावेनासा झाला होता. पहिले रिफिल सिलिंडर संपल्यावर फ्री मिळाले. नंतर त्यांच्याकडून चार्जेस घेतले गेले.

आता चक्क गॅसचा भाव ८३२ वर गेल्याने हात मजुरी व भाड्याच्या घरात राहणाऱ्या शेख आयेशा यांना गॅस रिफिल भरून घेण्यासाठी पैसे नसल्याने त्या पुन्हा चुलीवर स्वयंपाक करीत आहेत. धुरामुळे त्यांच्या आरोग्यावर ग्यावर परिणाम हाेत असल्याने धुरमुक्त ग्राम याेजनेचा फज्जा उडाला आहे. उज्वल गॅस योजना अंतर्गत मोफत गॅस कनेक्शन वाटप करण्यात आले. परंतु,आता गॅस टाकीचा भाव आठशेच्यावर गेल्याने गरिबांना ते घेणे परवडत नसल्याने परत ते चुलीवर आले आहेत. गॅसचे भाव कमी करावे किंवा सबसिडी वाढवावी अशी मागणी हाेत आहे.

धक्कादायक म्हणजे सबसिडी केवळ ३ रुपये आणि गॅस सिलेंडरच्या भावात दर महिन्याला वाढ होतं आहेत. आता गॅस सिलेंडर जवळपास ८३२ पर्यंत गेला. मात्र सबसिडी फक्त ३ रुपये २६ पैसेच येत आहेत. किमान देशाच्या सर्वच्च पदावरी व्यक्तीच्या हस्ते दिलेल्या योजनेचा लाभ व त्याच लाभार्थीचे होणारे हाल हा विरोधभास असून केंद्रातून अशा प्रकरणाकडे लक्ष द्यावे असं म्हटलं आहे.

News English Summary: The reality behind the marketing plans is now coming to the fore. The Modi government has seen many schemes for marketing purposes only. The topic of discussion in Modi’s ‘Chai Pe Charcha’ and ‘Mann Ki Baat’ is Ujjwala Gas Yojana.

News English Title: PM Narendra Modi launch Ujjawal Gas Yojana fact today news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.