शरद पवार योग्य निर्णय घेतील पण मंत्र्यांनी पाय जमिनीवर ठेवण्याची गरज - संजय राऊत

मुंबई, २१ मार्च: मुंबई: मुंबई पोलीस आयुक्त पदावरून हटवण्यात आलेल्या परमबीर सिंग यांनी गृहमंत्री अनिल देशमुख यांच्यावर केलेल्या गंभीर आरोपांमुळे राज्यात खळबळ माजली आहे. देशमुख यांनी सचिन वाझेंना दर महिन्याला १०० कोटी गोळा करण्याचं टार्गेट दिलं होतं, असा सनसनाटी आरोप करणारं पत्र सिंग यांनी मुख्यमंत्री उद्धव ठाकरेंना लिहिलं आहे. यामुळे देशमुख अडचणीत आले असून विरोधकांनी त्यांच्या राजीनाम्याची मागणी केली आहे.

दरम्यान, यावर बोलत असताना संजय राऊत यांनी अनेक मुद्दयांवर स्पष्ट मतं मांडली. पोलीस खाते हे राज्याचा कणा असतो, स्वाभिमानाचे प्रतिक असते. हा कणा राज्यकर्त्यांनी मजबूत ठेवायचा असतो. सध्याची परिस्थिती पाहता काहीतरी दुरुस्त करावं लागेल, असे मत संजय राऊत यांनी व्यक्त केले.

‘या’ प्रकरणात शरद पवार योग्य निर्णय घेतील;
या सगळ्या प्रकरणात राष्ट्रवादीचे अध्यक्ष शरद पवार योग्य भूमिका आणि निर्णय घेतील, असा विश्वास खासदार संजय राऊत यांनी व्यक्त केला आहे. मी आज दिल्लीत जाणार आहे. त्यावेळी शरद पवार यांच्याशी या विषयावर बोलण्याचा प्रयत्न करेन, असे राऊत यांनी सांगितले.

News English Summary: The allegations levelled by Home Minister Anil Deshmukh against the removal of Mumbai Police Commissioner Parambir Singh have caused a stir in the state. Singh has written a sensational letter to Chief Minister Uddhav Thackeray alleging that Deshmukh had set a target of collecting Rs 100 crore every month. This has put Deshmukh in trouble and the opposition has demanded his resignation.

News English Title: Shivsena MP Sanjay Raut gave serious suggestion to MahaVikas Aghadi news updates.