नगर | राष्ट्रवादीकडून लोटसचं ऑपरेशन | राधाकृष्ण विखे पाटील समर्थक राष्ट्रवादीच्या गळाला

अहमदनगर , २१ मार्च: जळगाव आणि सांगली माहपालिकेमध्ये आघाडीने आस्मान दाखवल्यानंतर आता भारतीय जनता पक्षाला आणखी एक झटका बसला आहे. माजी मंत्री आणि भारतीय जनता पक्षाचे आमदार राधाकृष्ण विखे पाटील यांचे कट्टर समर्थक बाळासाहेब हराळे हे राष्ट्रवादीत जाहीर प्रवेश करणार आहेत. बाळासाहेब हराळे हे विखे पाटील यांचे अत्यंत विश्वासू पदाधिकारी असून ते जिल्हापरिषदेचे माजी सदस्य देखील होते.

बाळासाहेब हराळे यांचा राष्ट्रावादी प्रवेश निश्चित झाल्यानंतर “मी या आधीच अनेक जण राष्ट्रवादीत प्रवेश करणार असल्याचे सांगितले होते, असे वक्तव्य तनपुरे यांनी केले. तसेच हराळे यांच्या प्रवेशानंतर नगर जिल्ह्यात राष्ट्रवादीचं प्रस्थ वाढणार असल्याचा दावाही त्यांनी केलाय.

दरम्यान, सांगली आणि जळगाव महापालिकेच्या महापौर निवडणुकीमध्ये आघाडीच्या तिन्ही पक्षांनी मिळून भारतीय जनता पक्षाला आस्मान दाखवलं. सांगली महापालिकेमध्ये भारतीय जनता पक्षाचे नगरेसवक फोडून राष्ट्रवादी-काँग्रेसने सत्ता काबीज केली. तर जळगावमध्ये शिवसेनेने भारतीय जनता पक्षाचे तब्बल 27 नगरसेवक फोडून महापालिकेवर भगवा फडकवला. त्यांनतर आता हराळे यांच्या रुपात भारतीय जनता पक्षाला मोठा धक्का बसला आहे.

News English Summary: After the skyrocketing lead in Jalgaon and Sangli Municipal Corporations, now the Bharatiya Janata Party has suffered another blow. Balasaheb Harale, a staunch supporter of former minister and BJP MLA Radhakrishna Vikhe Patil, is all set to join the NCP. Balasaheb Harale is a very loyal office bearer of Vikhe Patil and he was also a former member of Zilla Parishad.

News English Title: BJP MLA Radhakrishna Vikhe Patil supporter Balasaheb Harale to join NCP news updates.