तुमची याचिका जनहित याचिका कशी? हायकोर्टाचा सवाल | उद्या तातडीची सुनावणी

मुंबई, ३० मार्च: सुप्रीम कोर्टाने फटकारल्यानंतर मुंबईचे माजी पोलीस आयुक्त परमबीर सिंग यांनी हायकोर्टात धाव घेतली आहे. गृहमंत्री अनिल देशमुख यांच्यावरील आरोपांची आणि त्यांच्या कारभाराची सीबीआयने चौकशी करण्याचे आदेश देण्याची मागणी परमबीर यांनी फौजदारी जनहित याचिकेद्वारे केली आहे. दरम्यान हायकोर्टाने उद्या तातडीची सुनावणी घेण्याचा निर्णय घेतला आहे.

परमबीर सिंग यांनी केलेल्या जनहित याचिकेवर हायकोर्टाने प्रश्न उपस्थित केला. मुख्य न्यायाधीश दिपांकर दत्ता यांच्यासमोर ही सुनावणी पार पडली. मागण्यांवर बोट ठेवत याचिका जनहित याचिका कशी? असा प्रश्न हायकोर्टाने केला. न्यायालयाच्या प्रश्नानंतर परमबीर यांच्या वकिलाने जनहित याचिका कशी? हे उद्या होणाऱ्या सुनावणीदरम्यान पटवून देण्याचा म्हटले. दरम्यान याचिकेवर बुधवारी तातडीची सुनावणी करण्याचा निर्णय यावेळी घेण्यात आला.

मुंबई पोलिसांच्या नियुक्त्या, बदल्यांसाठी गृहमंत्री अनिल देशमुख पैशांची मागणी करतात, तपासकार्यात ते वारंवार हस्तक्षेप करतात, असे आरोप परमबीर यांनी याचिकेत केले आहेत. त्यासाठी त्यांनी राज्य गुप्तचर विभागाच्या आयुक्त रश्मी शुक्ला यांच्या अहवालाचा, निलंबित अधिकारी सचिन वाझे व संजय पाटील यांना महिन्याला १०० कोटी वसूल करण्याचे दिलेले लक्ष्य तसेच दादरा-नगर हवेलीचे खासदार मोहन डेलकर आत्महत्या प्रकरणाचा दाखला दिला आहे. तसेच राज्याच्या गृहमंत्र्यांकडून होत असलेल्या भ्रष्टाचाराची सीबीआयमार्फत चौकशी होणे गरजेचे असून, तसे आदेश देण्याची मागणी परमबीर सिंग यांनी केली आहे.

News English Summary: Former Mumbai Police Commissioner Parambir Singh has run in the High Court after being struck down by the Supreme Court. Parambir has sought a CBI probe into the allegations against Home Minister Anil Deshmukh and his conduct through a criminal public interest litigation. Meanwhile, the High Court has decided to hold an emergency hearing tomorrow.

News English Title: PIL of Former Mumbai Police Commissioner Parambir Singh at Mumbai High court news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.