सध्या लॉकडाउनचा विचार नाही, पण यंत्रना सज्ज ठेवणं सरकारचं काम - आरोग्यमंत्री

मुंबई, ०१ एप्रिल: महाराष्ट्रात तुर्तास लॉकडाऊन करण्यासंदर्भात कोणताही निर्णय घेण्यात आलेला नाही. मात्र, आपली सर्व चर्चा त्याच दिशेने सुरु आहे. पण याचा अर्थ राज्यात लॉकडाऊन लागेलच, असा नाही. मात्र राज्य सरकारला तशी तयारी करुन ठेवणे हे गरजेचे असते, असे वक्तव्य आरोग्यमंत्री राजेश टोपे यांनी केले.

राज्यात 2 एप्रिलपासून लॉकडाऊन होणार की नाही, या चर्चेच्या पार्श्वभूमीवर राजेश टोपे यांनी आज प्रसार माध्यमांशी संवाद साधला. यावेळी त्यांनी कोरोना आणि लॉकडाऊनसंदर्भातील सर्व प्रश्नांनी सविस्तर उत्तरे दिली. राज्यातील नागरिकांनी सोशल डिस्टन्सिंग आणि मास्क घालण्याच्या नियमांचे तंतोतंत पालन केले तर त्यांना कोरोना विषाणूची लागण होणारच नाही. तशा परिस्थितीत लॉकडाऊनचा प्रश्नच उद्भवत नाही, असे राजेश टोपे यांनी स्पष्ट केले.

दरम्यान, महाराष्ट्राचे आरोग्यमंत्री राजेश टोपे यांनी काल दिलेल्या माहितीनुसार, आता राज्यात आरटीपीसीआर चाचणीसाठी खासगी प्रयोगशाळांमध्ये केवळ 500 रूपये मोजावे लागणार आहेत. रुग्णाच्या घरातून नमूना घेऊन त्याचा अहवाल देणे यासाठी 800 रुपये आकारण्यात येणार आहेत. रुग्णालय, कोविड केअर सेंटर, कॉरंटाईन सेंटरमधील प्रयोगशाळा येथून नमूना तपासणी आणि अहवाल यासाठी 600 रूपयांपेक्षा अधिक किंमत आकारता येणार नाही असे देखील स्पष्ट करण्यात आले आहे. कोविड 19 निदानासाठी आरटी पीसीआर अंतिम आणि खात्री लायक टेस्ट मानली जात आहे.

News English Summary: Right now no decision has been taken to lock down in Maharashtra. However, all our discussions are moving in the same direction. But that doesn’t mean the state will have a lockdown. However, the state government needs to be prepared in this way, said Health Minister Rajesh Tope.

News English Title: Right now no decision has been taken to lock down in Maharashtra news updates.