स्वतःविरुद्धच्या न्यायालयातील दाव्याला देखील किरीट सोमैय्या यांनी 'वसुली' संबोधलं

मुंबई, ३ एप्रिल: सध्या सचिन वाझे प्रकरणाचा तपास NIA आणि राज्य ATS करत आहेत. त्यासंबंधित विषय न्यायालयात देखील असून त्याबाबतीत पुरावे गोळा करण्याचं देखील काम चौकशी यंत्रणांकडून सुरु आहे. सचिन वाझे प्रकरणात ज्या आर्थिक घडामोडी समोर आल्या आहेत त्याचा देखील तपास अजून सुरु आहे.

दुसरीकडे भाजपचे नेते किरीट सोमैय्या यांनी देखील मुख्यमंत्री उद्धव ठाकरे आणि शिवसेना नेत्यांवर आरोप करणं सुरु ठेवलं आहे. धक्कादायक म्हणजे सहज ऑनलाईन उपलब्ध होणारी कागदपत्र दाखवून आपण घोटाळा सिद्ध केल्याचं ते स्वतःच ठरवत आहेत. कोणतीही गोष्ट सिद्ध कशी होते याची त्यांना अजून कल्पना नसल्याचं दिसतंय. मात्र आता त्यांच्यावर शिवसेना आमदार रवींद्र वायकर यांनी १०० कोटींचा मानहानीचा खटला न्यायालयात दाखल केला आहे. मात्र न्यायिक खटल्यातून मागितलेल्या न्यायाला देखील त्यांनी थेट ‘वसुली’ असं संबोधलं आहे. याचिका कर्त्यांनी हे न्यायालयाच्या निदर्शनास आणून दिल्यास सोमैयांच्या अडचणी वाढू शकतात.

किरीट सोमय्या यांनी ट्विट करत सचिन वाझे जेलमध्ये असल्याने उद्धव ठाकरेंनी बहुतेक माझ्याकडून १०० कोटी वसूल करायला सांगितलं असल्याचा आऱोप त्यांनी केला आहे. ते म्हणाले आहेत की, “सचिन वाझे जेलमध्ये बंद आहे, त्यामुळे त्याच्याकडून येणारे १०० कोटी मिळणार नाहीत म्हणून बहुतेक उद्दव ठाकरेंनी वायकरांना यावेळी सोमय्यांना नोटीस पाठवून त्यांच्याकडून १०० कोटी वसूल करायला सांगितलं. अशा धमक्यांना आम्ही भिक घालत नाही”. यावेळी त्यांनी ठाकरे सरकारचे, सचिन वाझेसह सगळे घोटाळे बाहेर काढल्याशिवाय आम्ही स्वस्थ बसणार नाही असाही इशारा दिला आहे.

उद्धव ठाकरे आणि वायकर परिवाराचा कोर्लई जमीन घोटाळा संबंधात माझा विरोधात ₹100 कोटींचा दावा दाखल केला. त्यांचा अशा धमक्यांना आम्ही भिक घालत नाही.

ठाकरे सरकारचे, सचिन वाझे सह, सघळे घोटाळे
बाहेर काढल्या शिवाय आम्ही स्वस्थ बसणार नाहीथांबविणार नाही: @BJP4Maharashtra @Dev_Fadnavis pic.twitter.com/VOhKaWtz57

— Kirit Somaiya (@KiritSomaiya) April 2, 2021

News English Summary: Kirit Somaiya tweeted that since Sachin Vaze is in jail, Uddhav Thackeray has mostly asked me to recover Rs 100 crore. He said, “Sachin Vaze is lodged in jail, so he will not get Rs 100 crore from him, so most of the time Uddhav Thackeray sent a notice to Vaikar asking him to recover Rs 100 crore from him.

News English Title: BJP leader Kirit Somaiya allegation on CM Uddhav Thackeray news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.