चित्रा ताईंचा नवरा भ्रष्टाचाराच्या गुन्ह्यात आणि ताई विचारतायत नवा वसुली मंत्री कोण? - रुपाली चाकणकर

पुणे, ६ एप्रिल: राज्याचे गृहमंत्री अनिल देशमुख यांनी आपल्या पदाचा राजीनामा दिला आहे. त्यांचा राजीनामा राज्यपालांनी देखिल स्वीकारला आहे. या सगळ्या विषयावर सध्या राजकरण तापलं आहे. राष्ट्रवादीच्या रुपाली चाकणकर आणि भाजपच्या चित्रा वाघ यांच्यात शाब्दिक वाद रंगलेला पाहायला मिळत आहे. अनिल देशमुख यांना टोला लगावत नवा वसुली अधिकारी कोण असा सवाल चित्रा वाघ यांनी उपस्थित केला. त्याला रुपाली चाकणकर यांनी उत्तर दिले आहे.

काय म्हणाल्या रुपाली चाकणकर?

चित्राताईंचा नवरा स्वतः भ्रष्टाचाराच्या गुन्ह्यात अडकलेला आरोपी असून त्यांच्यावर रीतसर गुन्हा दाखल आहे आणि ताई विचारत आहेत नवीन वसुली मंत्री कोण??, अशा शब्दात राष्ट्रवादीच्या महिला प्रदेशाध्यक्षा रुपाली चाकणकर यांनी भाजप नेत्या चित्रा वाघ यांच्यावर पलटवार केला आहे.

रुपाली चाकणकर यांनी फेसबुक पोस्ट करुन चित्रा वाघ यांच्यावर जोरदार पलटवार केला आहे. अनिल देशमुख यांच्या राजीनाम्यानंतर नवा वसुली मंत्री कोण?, असा सवाल चित्रा वाघ यांनी विचारला होता. त्यांच्या याच प्रश्नाला चाकणकर यांनी जोरदार प्रत्त्युत्तर दिलं आहे

“चित्रा ताईंचा नवरा भ्रष्टाचाराच्या गुन्ह्यात आणि ताई विचारतायत नवा वसुली मंत्री कोण?, चित्रा ताई भावनेच्या भरात इतकंही वाहून जाऊ नका की अंगलट आलं की परत ‘पवार साहेब माझ्या वडिलांसारखेच आहेत’ हे म्हणायची वेळ येईल, असा सल्ला देताना थोडा धीरज रखो , सब सच सामने आयेगा.!!”, असा गर्भित इशाराही चाकणकर यांनी चित्रा वाघ यांना दिला आहे.

News English Summary: State Home Minister Anil Deshmukh has resigned. His resignation has also been accepted by the governor. Politics is hot on all these issues at present. NCP’s Rupali Chakankar and BJP’s Chitra Wagh are seen arguing verbally. Chitra Wagh asked Anil Deshmukh who the new recovery officer was. He is answered by Rupali Chakankar.

News English Title: NCP leader Rupali Chakankar slams BJP leader Chitra Wagh after her statement about new home minister news updates.