२०२४ मध्ये दोन कोटी मतांचं लक्ष्य | आता भाजप स्वबळावरच लढणार - चंद्रकांत पाटील

पुणे, ६ एप्रिल: आज भाजपाचा ४१ वा वर्धापन दिन साजरा होत आहे. त्यानिमित्त महाराष्ट्र प्रदेशाध्यक्ष चंद्रकांत पाटील यांनी पुण्यातील भारतीय जनता पक्षाच्या कार्यालयात ध्वजवंदन केले. त्यानंतर चंद्रकांत पाटील यांनी प्रसार माध्यमांशी संवाद साधताना भाजपच्या आगामी काळातील वाटचालीबाबत मोठे संकेत दिले आहेत.

यावेळी माध्यमांना माहिती देताना ते म्हणाले की, राज्यामधील राजकीय वाटचालीबाबत आम्ही धोरण निश्चित केले आहे. आता आम्हाला राज्यात कुणाच्याही कुबड्या नको आहेत. आम्ही यापुढे स्वबळावर निवडणुका लढवणार. २०२४ मध्ये दोन कोटी मतांचा टप्पा ओलांडण्याचे लक्ष्य आम्ही ठेवले आहे. तसेच आम्हाला कुणाच्याही कुबड्या नको आहेत. आम्ही स्वबळावर निवडणून लढवून २०२४ मध्ये सरकार स्थापन करू, असा विश्वाय चंद्रकांत पाटील यांनी व्यक्त केला.

भाजपचा आज वर्धापन दिन होता. त्यामुळे आम्ही सर्वांशी व्हिडीओ कॉन्फरन्सिंगद्वारे संवाद साधला. राज्यात झालेल्या निवडणुकांमध्ये आम्ही स्वबळावर लढून चांगलं यश मिळवलं आहे. त्यामुळे या पुढील सर्व निवडणुका स्वबळावर लढण्याचा निर्णय घेतला आहे. आम्ही 2024मधील विधानसभा आणि लोकसभा निवडणूक स्वबळावर लढणार आहोत. कुणाच्याही कुबड्या आम्हाला नकोत. अर्थातच आमचे सहयोगी पक्ष आमच्यासोबत असतीलच, असंही ते म्हणाले. स्वबळावर लढून राज्यात सरकार आणणार असल्याचंही त्यांनी सांगितलं.

News English Summary: Today is the 41st anniversary of the BJP. On this occasion, Maharashtra State President Chandrakant Patil saluted the flag at the Bharatiya Janata Party office in Pune. After that, Chandrakant Patil, while interacting with the media, has given big hints about the future course of the BJP.

News English Title: Chandrakant Patil interacting with the media on 41st anniversary of the BJP news updates.