कोरोना वाढतोय | मुंबई लोकल सामान्यांसाठी पुन्हा थांबणार?

मुंबई, ८ एप्रिल: राज्यात कोरोना रुग्णांची संख्या दिवसेंदिवस वाढत आहे. काल अर्थात गुरुवारी तब्बल ६० हजारांच्या घरात नवे कोरोना रुग्ण आढळले. मुंबईत तर परिस्थिती अत्यंत चिंताजनक आहे. एकट्या मुंबईत रोज १० हजारांच्या आसपास नवे कोरोना रुग्ण आढळत आहेत. या पार्श्वभूमीवर मदत आणि पुनर्वसनमंत्री विजय वडेट्टीवर यांनी मोठे वक्तव्य केले आहे. मुंबई तसे उपनगरीय प्रवास सोपा आणि सोयिस्कर करणाऱ्या लोकलवर पुन्हा निर्बंध लागू केले जाण्याची शक्यता आहे. तसा विचार राज्य सरकार करत असल्याचे विजय वडेट्टीवार म्हणाले आहेत. ते आज मुंबईत माध्यमांशी बोलत होते.

मुंबईत कोरोना रुग्णांची संख्या दिवसेंदिवस वाढत आहे. लोकसंख्येची घनता जास्त असल्यामुळे येथे रोज हजारोंच्या संख्येने नवे रुग्ण आढळत आहेत. येथे काल (07 मार्च) एका दिवसात तब्बल 10,428 नवे कोरोना रुग्ण आढळले होते. तर काल दिवसभरात येथे 6007 जणांनी डिस्चार्ज देण्यात आला. कालच्या आकडेवारीनुसार मुंबईत सध्या 80886 बाधितांवर उपचार सुरु आहेत. आज (गुरुवार) पुन्हा या रुग्णांमध्ये भर पडली असेल. सध्या मुंबईत कोरोना रुग्णांचा रिकव्हरी रेट 80 टक्के असून रुग्ण दुप्पट होण्याचा कालावधी हा 35 दिवसांवर आला आहे.

News English Summary: The number of corona patients in the state is increasing day by day. Yesterday, Thursday, new corona patients were found in the homes of over 60,000 people. In Mumbai, the situation is dire. In Mumbai alone, around 10,000 new corona patients are found every day. Against this backdrop, Relief and Rehabilitation Minister Vijay Wadettivar has made a big statement.

News English Title: Mumbai Locals may shutdown due to increasing corona pandemic news updates.