पुणे | भाजपची सत्ता असल्याने महापौरांनी लस बाबत मोठी घोषणा केली, पण केंद्राने दिल्या एवढ्याच..

पुणे, १० एप्रिल: कोरोना विषाणूपासून बचाव करण्यासाठी लस मिळवण्याच्या धडपडीत लसीचा तुटवडा जाणवत आहे. महाराष्ट्र, आंध्र प्रदेश आणि ओडीशानंतर आता बिहार, उत्तर प्रदेशातही लसीचा तुटवडा हाेऊ लागला आहे. या राज्यांत अनेक ठिकाणी लसीकरण केंद्रे बंद करावी लागली. अनेक राज्यांत एक ते दाेन दिवसांचाच साठा शिल्लक आहे.

त्यानंतर राज्यांना पाठवण्यात येणाऱ्या लसीमध्ये राजकारण हाेत असल्याचा आरोप गृहमंत्री अमित शहा यांनी फेटाळून लावला आहे. काेलकात्यामध्ये एका पत्रकार परिषदेत ते म्हणाले, लसीची काेणतीही कमतरता नाही. सर्व राज्यांच्या गरजेनुसार लस उपलब्ध करून देण्यात आली आहे. दुसरीकडे काही राज्यांमधील भोंगळ कारभार देखील समोर आला आहे.

काल भाजपाची सत्ता असलेल्या पुणे शहरातील महापौरांनी मोठी घोषणा केली होती. परंतु त्या घोषणेला मोदी सरकारने ठेंगा दाखवत अल्प असा पुरवठा केला आहे. वास्तव घोषणा केल्या पेक्षा अगदी थोड्याच लसी आल्यामुळे अनेक लसीकरण केंद्र आज देखील बंदच राहिली आहेत.

केंद्र सरकारकडून पुण्याला २ लाख ४८ हजार कोरोना लसी मिळणार असल्याची मोठी घोषणा काल महापौर मुरलीधर मोहोळ यांनी केली होती. यात पुणे शहराला ४० टक्के, ग्रामीणला ४० टक्के आणि पिंपरी-चिंचवडला २० टक्के लस मिळणार असे देखील सांगण्यात आले होते. रविवारीही पुणे जिल्ह्याला १ लाख २५,००० लस मिळणार असाही दावा करण्यात आला होता. आधीच तुटवडा आहे आणि आता इतक्याच लसी आल्याने त्या नेमक्या वाटायच्या तरी कोणाला आणि कशा असा प्रश्न अधिकाऱ्यांना भेडसावतो आहे.

News English Summary: The BJP ruled mayor of Pune had made a big announcement. However, the Modi government has shown little support to that announcement. Many vaccination centers remain closed today due to fewer vaccinations than actually announced.

News English Title: Modi govt provide very less count of covid vaccine to Pune city news updates.