मुंबई दादर मार्केटमध्ये खचाखच गर्दी | लोकांचा बेजबाबदारपणा तर आरोग्य यंत्रणा हतबल

मुंबई, १३ एप्रिल: राज्यात सोमवारी एकूण ५१,७५१ नवे रुग्ण, तर २५८ रुग्णांचा मृत्यू झाला. यातील १३३ रुग्ण एकट्या विदर्भातील आहेत. मराठवाड्यात ८७ रुग्णांचा मृत्यू झाला. राज्यात आतापर्यंत ३४ लाख ५८,९९६ रुग्णांची नोंद झाली असून २८,३४,४७३ रुग्ण बरे झाले.

राज्यात कोरोना रुग्णांच्या संख्येत दिवसेंदिवस वाढ होत आहे. त्यात मुंबई, पुण्यासारख्या शहरांमध्ये दिवसाला किमान १० हजार रुग्ण वाढत आहेत. राज्य सरकारकडून कडक निर्बंध लादले असतानाही नागरिकांकडून मात्र सर्रास नियमांचं उल्लंघन केलं जात असल्याचा पाहायला मिळत आहे. मागील काही दिवसांपासून मुंबईत कोरोना रुग्णांची मोठ्या प्रमाणात वाढ होतं आहे. या रुग्णांवर उपचार करण्याचा प्रचंड ताण मुंबईच्या आरोग्य यंत्रणेवर पडत आहेत.

मुंबईच्या दादर फुल मार्केटमध्ये सकाळी तोबा गर्दी उसळलेली पाहायला मिळाली. सोमवारीही अशीच गर्दी या परिसरात झाली होती. दादरच्या भाजी आणि फुल मार्केटमध्ये सर्व नियम धाब्यावर बसवून मोठ्या संख्येनं नागरिक बाजारात एकत्र जमा झाल्याचं चित्र पाहायला मिळालं आहे. या गर्दीत सोशल डिस्टन्सिंगचाही फज्जा उडालेला पाहायला मिळाला.

News English Summary: Huge crowd was seen in the morning at Mumbai’s Dadar Flower Market. A similar crowd had gathered in the area on Monday. In the vegetable and flower market of Dadar, all the rules have been laid down and a large number of people have gathered in the market. Social distantness was also seen in this crowd.

News English Title: Mumbai huge crowd at Dadar vegetable market amid surge in corona cases news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.