राजकीय पक्षाला रेमडेसिवीर मिळालीच कशी हा मूळ प्रश्न | चंद्रकांतदादा पाकिस्तान, चायना, देशाच्या घटनेवर बोलत बसले

मुंबई, १९ एप्रिल: आम्ही रेमडेसिवीर घेऊन काय पाकिस्तानला किंवा चायनाला देणार होतो का? आम्ही महाराष्ट्रालाच देणार होतो. मग रेमडेसिवीर घेतल्या तर चुकलं कुठं? असा सवाल भाजपचे प्रदेशाध्यक्ष चंद्रकांत पाटील यांनी केला. चंद्रकांत पाटील यांनी पत्रकार परिषद घेऊन हा सवाल केला. विरोधी पक्षनेत्याला मुख्यमंत्र्यांसारखेच अधिकार असतात. ते माहिती घेऊ शकतात. घटनेतच तशी तरतूद आहे. त्यामुळे त्यांनी पोलिसांना जाब विचारला. कुणालाही उचलून आणायला काय महाराष्ट्रात बेबंदशाही आहे का? असा सवाल पाटील यांनी केला.

आम्ही रेमडेसिवीरचं वाटप केलं तर त्यात काय चुकलं? विष तर वाटत नाही ना? लोकांना इंजेक्शन हवं आहे. लोक वणवण भटकत आहेत. 22 तारखेला रेमडेसिवीर उपलब्ध होईल. त्यानंतर तुम्हाला कोणी विचारणारही नाही, असंही ते म्हणाले. लोकांना मदत करणं चुकीचं आहे का? रोहित पवारही मदत करत आहेत. ते योग्यच आहे. तुम्हीही मदत करा. तुम्हाला कोणी अडवलं आहे. लोकांना मदत केलीच पाहिजे. भाजपचे लोक घरदार विकून लोकांना मदत करत आहे. करू द्या ना, तुम्हीही करा, असं त्यांनी सांगितलं.

दरम्यान, मुळात राजकीय पक्षाला एवढ्या मोठ्या प्रमाणावर रेमडेसिवीर इंजेशन्स परवानगी नसताना ते मिळालेच कसे हा मूळ प्रश्न होता. मात्र चंद्रकांतदादांनी भाजपचं देशपातळीवरील तंत्र उपसलं आणि मूळ प्रश्नाला तसेच कायदेशीर नियमांना बगल देत चायना आणि पाकिस्तान असा शब्दांचा मारा सुरु केल्याचं पाहायला मिळालं. त्यामुळे सामान्यांना एक नियम आणि भाजपसाठी थेट कायद्यात बदल केला काय असा प्रश्न उपस्थित होऊ लागला आहे.

News English Summary: Were we going to take Remedesivir and give it to Pakistan or China? We were going to give it to Maharashtra. So if you take Remedesivir, where is the mistake? This question was asked by BJP state president Chandrakant Patil.

News English Title: BJP state president Chandrakant Patil talked on Remedesivir purchase news updates.